АГМКнинг ОЧЛдаги рақиби Анталия йиғинини давом эттирмоқда
03 фев 2019 11:01
Новости

АГМКнинг ОЧЛдаги рақиби Анталия йиғинини давом эттирмоқда

Хабарингиз бор, ўз тарихида илк бор Ўзбекистон Кубогини қўлга киритган АГМК бу мавсум ОЧЛда иштирок этади.

АГМКнинг бу йилги мақсадлари улкан. Клуб раҳбарияти бежизга Миржалол Қосимовни бош мураббий этиб тайинлагани йўқ. 12 февраль куни бу жамоа Олмалиқда Осиё чемпионлар лигасидаги илк учрашувини ўтказади. Плей-офф босқичи доирасида Тожикистоннинг "Истиқлол" клуби Олмалиқда меҳмон бўлади.

Мазкур учрашув битта ўйиндан иборат ва ютқазган жамоа мусобақани тарк этади. Ютган жамоа эса кейинги боcқичга йўл олади ва сафарда Саудия Арабистонининг "Ал Наср" клубига қарши баҳс олиб боради. Ҳозирда Душанбенинг "Истиқлол" клуби ОЧЛга тайёргарликни Анталияда олиб боряпти.

Жамоа Туркиядаги ўқув-машғулот доирасида ҳозирча иккита ўртоқлик учрашуви ўтказди. Ҳаким Фузайлов шогирдлари аввалига Қозоғистоннинг "Тобол" клубига 1:2 ҳисобида мағлубиятга учрашди, кейинги беллашувда эса Босния ва Герцеговинанинг "Челик" жамоаси 2:0 ҳисобида мағлуб этилди.

Бугун "Истиқлол" учинчи назорат баҳсини Даниянинг "Кёге" жамоасига қарши ўтказади. Жамоа шунингдек, 6 февраль куни Россиянинг "Томь" ҳамда 7 февралда "Сўғдиёна" билан ўйнайди.