АГМК "Пахтакор" футболчисини сотиб олди

Бунинг натижасида клуб навбатдаги трансферни амалга оширди.

Ажойиб иқтидор эгаси, маҳоратли футболчи Баҳром Абдурахимовнинг трансфери ҳуқуқи «Пахтакор» клубидан сотиб олинди ва футболчи АГМК аъзосига айланди.

АГМКнинг янги футболчиси — Баҳром Абдурахимов фаолияти давомида олий лигада "Андижон", "Насаф", “Металлург” ва “Пахтакор” шарафини ҳимоя қилган. Абдурахимов Ўзбекистон миллий чемпионатида жами 200 ўйин ўтказиб, 20та гол урган.

Баҳром Абдурахимов футболчилик фаолияти давомида барча мусобақаларда жами 236 ўйин ўтказган ва рақиблар дарвозасини 28 маротаба ишғол қилган.

"АГМК жамоасининг аҳил оиласига хуш келибсан, Баҳром!" - дейилади АГМК хабарида.

Баҳром Абдурахимов ҳақида маълумот:

Туғилган санаси: 11.12.1988

Туғилган жойи: Андижон

Ўйнаган жамоалари: “Андижон” (2007-2014), “Насаф” (2015-2017), “Пахтакор” (2018), “Металлург” (2019), АГМК (2020-...)

Ютуқлари: Бронза медали соҳиби - (2015, 2016), Кумуш медали соҳиби - (2017, 2018) Ўзбекистон Кубоги соҳиби - 2015, Ўзбекистон Суперкубоги соҳиби - 2016.