Афсус... Омар Абдулраҳмон Осиё Кубогини ўтказиб юборади

"Ал Ҳилол"нинг 1:0 ҳисобидаги ғалабаси билан якунига етган баҳсда Омар Абдулраҳмон жароҳат олгани ҳақида хабар бергандик. Маълумки, Омар Абдулраҳмон БАА миллий терма жамоасининг энг асосий футболчиларидан бири ҳисобланади.

Ўтган вақт давомида шифокорлар "Амури"нинг жароҳатини жиддий текширишди ва якунда шундай хулосага келиндики, моҳир ярим ҳимоячи ўз мамлакатида бўлиб ўтадиган Осиё Кубогида иштирок эта олмайди. БАА термаси сафида 71 та ўйин ўтказган 27 ёшли футболчи муваффақиятли операция қилинди ва яқин икки ойни даволанишда ўтказади.

Осиё Кубоги 5 январь - 1 февраль оралиғида БААнинг тўртта шаҳрида бўлиб ўтади. Мусобақа тарихида биринчи марта 24та жамоа иштирок этади.