Аброр Пирриев: "Ҳожимат Эркиновнинг аҳволи анча яхши, аммо..."

Ҳожимат Эркинов мисолида ҳам деярли шундай ҳолат. Аммо уни яна бир текширув кутиб турибди. Чунки жароҳат янги маҳали кўринмаган баъзи жиҳатлар, ўша муаммоли жойда ўткир кечган жараёнлар ўтиб кетгачгина кўриниш бериши мумкин.

Бугунга келиб керакли даво муолажаларидан сўнг Ҳожиматнинг аҳволи анча яхши. Аммо мусобақа у учун якун топгани аниқ. Буёғига зарур даво, реабилитация, чемпионат ўйинларига тайёргарлик...

Ҳеч қаерга чиқмай, меҳмонхонанинг диққинафас хонасида фақат муолажа қабул қилиш футболчида бироз руҳий босим ҳосил қилади, даво самараси ҳам камаяди. Мураббийлар штаби, футболчининг ўзи, клуб мутасаддилари билан бамаслаҳат Ҳожиматнинг сўнгги тиббий текшируви ва кейинги даво муолажаларини Тошкентда давом эттиришга келишилди. ЎФА Эркиновнинг тўлиқ соғайгунига қадар зарур барча кўмакка шай. У эртага жамоадошларини оила даврасида қўллаб туради", - деб ёзади Аброр Пирриев телеграмдаги ўз каналида.