RU

Последние новости

00:52Русланбек Жиянов: "Курашларга бой ўйинда ғалаба қозондик"  0 00:38Карлуш Кейруш: "Мен футболчиларимни охиригача ўйнашга мажбурлайман"  3 00:03Ровшан Мередов: "Анча ишончли ўйин ўтказдик"  1 23:25Расман: ОЧЛ 2 арафасида "Андижон"ни легионер футболчилардан бири тарк этди  9 23:17Тимур Кападзе: "Мухлислар нега кам? Ушбу саволга биз ҳам жавоб қидиряпмиз. Легионерлар кейинги учрашувга тайёр бўлади"  35 23:03Равшан Ҳайдаров U-23 Осиё кубоги саралаши ҳақида: "Жамоамиз турнирга белгиланган режа асосида пухта тайёргарлик кўрди"  2 22:08Игорь Сергеев миллий жамоа тарихидаги тўпурарлар орасида олтинчи ўринга кўтарилиб олди  12 21:40CAFA Nations Cup. Туркманистон – Ўзбекистон 1:2  26 21:30CAFA Nations Cup. Бир киши кам бўлиб қолган Ўзбекистон Туркманистонни кичик ҳисобда мағлуб этди  266 20:55Қирғизистон бош мураббийи: "Ғалабамизни ўғирлашди"  6 20:33Топ лигалардан клуб топа олмаган Лукман Туркияга йўл олиши мумкин  1 19:50Расман: "Барселона" ҳимоячиси "Эльче"га ўтди  0 19:19"Байер" "Ал Қодисия" ярим ҳимоячисини 25 млн еврога сотиб олди  0 18:48CAFA Nations Cup. Кейруш бошчилигидаги Ўмон охирги дақиқаларда гол уриб, Қирғизистонни ютиб кетди  39 18:33Ўзбекистон - Туркманистон. Асосий таркибимиз маълум  28

Абдусамад Дўрмонов: "Пуришкин учун алоҳида режа тузмагандик" Новости

Абдусамад Дўрмонов: "Пуришкин учун алоҳида режа тузмагандик"

А ПРО-Лига 19-туридан ўрин олган "Нефтчи" - "Оқ-тепа" (3:0) учрашувидан сўнг мезбонлар бош мураббийи Абдусамад Дўрмонов сайтимизга интервью берди.

- Абдусамад ака, аввало ғалаба билан табриклаймиз! Бугунги ўйин ҳақида фикрларингиз...

- Учрашувнинг дастлабки қисмида ўйинимиз қовушмади. Шундан келиб чиқиб, жамоамиз тактикасини ўзгартирдик. Биринчи бўлим ўрталарига келиб футболчиларимиз ташаббусга эга бўла бошлашди. Бизда вазиятлар юзага кела бошлади, пенальти ҳам тепдик, умуман олганда ўйиндаги устунлик биз томонга ўтди. Танаффусда жамоамиз мураббийлари билан футболчиларга иккинчи бўлимда ўйинга яна қўшиш лозимлигини, учрашувда ташаббусни қўлларига олишларини айтиб ўтдик.
Иккинчи бўлимда жамоамиз биринчи бўлимга қараганда кучлироқ ўйин кўрсатди. Вазиятлар юзага келди ва голлар киритдик.

- Жамоангизда пенальти тепиш вазифаси кимга юклатилган?

- Доим такрорлайман, бизда ким ўша вазиятда тайёр бўлса, масъулиятни бўйнига олса ўша футболчи тепади. Энди кўпроқ Тошпўлатов, Каримовлар бу ишни бажариб келишарди. Бугун Исломбек Каримов бу ишни амалга оширди, афсус гол бўлмади.

- Рақиблар томонидан намойиш этилаётган учрашувларни кузатиб боришингиз табиий. "Оқ-тепа" жамоасида Павел Пуришкин кетма-кет учрашувларда гол киритаётганлигини инобатга олсак, демак у хавфли футболчи саналади. Бугунги ўйинда айнан Пуришкинни "ёпиш" учун сизда алоҳида режа бор эдими?


- Ҳа тўғри айтдингиз, биз рақиблар ўтказаётган учрашувларни таҳлил қиламиз, кўриб чиқамиз ва уларнинг ўйинидан келиб чиқиб тактика танлаймиз. Павел Пуришкин ҳақида биламан, лекин бугун уни зарарсизлантириш учун бизда алоҳида режа йўқ эди. Бизда ҳозир ҳар бир чизиқда рақобат кучли, ҳимоячиларимиз рақиб ҳужумчиларига муносиб қаршилик кўрсата олишмоқда.

Бугунги ғалаба билан Фарғона аҳини, барча "Нефтчи" мухлисларини табриклайман. Учрашувларга ташриф буюриб бизни қўллаб-қувватлаб келаётганликлари учун миннатдорчилик билдираман. Ўйлайманки, жамоамиз мухлислари навбатдаги учрашувларда ҳам стадионга келиб, бизни қўллаб-қувватлаб туришади.

Бекзод Толибов ёзиб олди.

Рейтинг: +10   

Комментарии

championat.asia
< посмотреть последние новости
Яндекс.Метрика