Абдусамад Дўрмонов: "Истиқлол"ни илк бор мағлуб этганимиздан хурсандмиз"

- Бугун тажрибали футболчилар Павел Смоляченко ва Элдор Эргашев захирада қолди. Бунинг сабаби нима эди?
- Ҳар бир ўйиндан олдин мураббийлар штаби маслаҳатлашиб қайси футболчилар асосий таркибда тушишини ҳал қиламиз. Захирадан майдонга тушиб ўйинимизни кучайтиришди. Эргашев гол ҳам урди.

- Бугунги дербига алоҳида тайёргарлик кўрилганмиди?
- Биз баҳсдан олдин статистикани кўрдик, Про лигада "Истиқлол"ни умуман ютмаган эканмиз. Футболчиларга қачондир бу серияни бузиш кераклигини тушунтирдим. Бундай ўйинларда ҳар томонлама кучли бўлиш керак. Ўйин оғир ўтди. Таркибда 4 нафар футболчимиз жароҳат олган. Булар дарвозабонимиз Абдураимов, Султанов, Ислом Каримов ва Анвар Хожимирзаев. Шу боис йигитларга ким майдонга тушади, ким захирада қолишининг фарқи йўқлиги бир жамоа бўлишимизни айтдим. Футболчиларга раҳмат айтаман. Тўғри қийин бўлмоқда. Ўйиндан-ўйинга кучайиб борамиз.

- Ўзаро ўйинларга назар ташласак "Нефтчи" илк бор дербида ғалаба қозонди. Бу жамоага қандай кайфият, иштиёқ беради?
- Йигитларга рақибдан қандай камчилигимиз бор деб сўрадим. Истак, хоҳиш биринчи ўринга чиқиши керак. Пенальти ҳам ура олмадик, охиригача курашдик. Жароҳат олганлар таркибга қайтса ҳаммаси яхши бўлади. Мажбурий танаффус туфайли йигитлар ҳозирча ўйин тонусида эмас.