Абдуқаҳҳор Хожиакбаров: “Андижонда ўйнаш ҳар доим қийин бўлган”
19 июн 2016 11:48
Новости

Абдуқаҳҳор Хожиакбаров: “Андижонда ўйнаш ҳар доим қийин бўлган”

Олий лиганинг 12-туридан ўрин олган “Андижон” – “Олмалиқ” учрашувидан сўнг меҳмон жамоа ҳимоячиси Абдуқаҳҳор Хожиакбаров ўз фикрларини билдириб ўтди.

- Ўйин қийин бўлишини олдиндан билгандик. Чунки мезбонлар ҳам ўз мухлислари қаршисида фақат ғалаба учун ўйнарди. Қолаверса Андижонда ўйнаш ҳар доим қийин бўлган. Ишқибозлар далдаси ҳам мезбонларга қўл келиши аниқ. Буни олдиндан билган холда, шунга яраша тайёргарлик кўргандик.

- Бунгача жорий чемпионат ҳисобидан меҳмонда ғалаба қозонмагандик. Ушбу ёқимсиз анъанага барҳам бериш учун астойдил харакат қилдик ва мақсадимизга эришдик.

- “Андижон” жамоаси кўриниб турибди яхши мураббий қўли остида эканлиги. Бизда улар жуда яхши таассурот қолдирди. Тўғри, бу жамоа омадсизликка дуч келиб турибди. Лекин бу вақтинчалик деб ўйлайман ва “Андижон”га кейинги ўйинларда омад тилайман.

- Дуранг натижаси ҳам бизни қониқтирармиди? Йўқ, Андижонга фақат уч очко олиш мақсадида келгандик – дейди Хожиакбаров.

"Андижон" матбуот хизмати

Ссылка :

Источник : championat.asia

Получайте новости прямо в Telegram!

Рейтинг: