RU

Последние новости

13:43"Шўртан" 4 нафар футболчиси билан хайрлашди  1 13:22Милитао: "Реал" учун қаттиқ ишлашда давом этиш муҳим"  1 12:53"Комо" "Манчестер Сити" футболчиси ҳуқуқларига эга чиқиши мумкин  0 12:25"Интер" "Челси" ҳужумчисини сотиб олмоқчи  0 11:57Алонсо Родригонинг захирада қолиб кетаётгани ҳақида: "Гап келажак ҳақида эмас, тактикада"  11 11:28Трамп КЖЧ финалига келади  2 10:55"Интер Майами" ғалаба қозонди, Лионел Месси эса кетма-кет тўртинчи ўйинда дубль қайд этди  18 10:51"Бавария" Бундеслигадаги рақобатчининг асосий футболчисини сотиб олмоқчи  0 10:22Виктор Гёкерешнинг "Арсенал"даги маоши маълум  3 09:53Симоне Индзаги "Ал Ҳилол"да тўрт нафар футболчидан қутилмоқчи  7 09:24"Навбаҳор" ҳужумчиси иккинчи даврани "Хоразм"да бошлаши мумкин  4 08:56Энрике: "Телефоним "Барселона" мухлисларидан келган хабарларга тўла"  14 08:27"Рома" Шомуродовнинг ўрнига АПЛда ўтган мавсум 1 та гол урган футболчи олиб келмоқчи  12 07:58"Реал" 25 йиллик антирекордни такрорлади  20 07:30Алонсо йирик мағлубиятдан сўнг нималар деди?  35

Абдумалик Ҳакимов: “Мақсадимиз олий лигада иштирок этиш” Новости

Абдумалик Ҳакимов: “Мақсадимиз олий лигада иштирок этиш”

Қувасойнинг “Цементчи” клуби биринчи даврани 41 очко билан биринчи ўринда якунлади.

Қувасойликлар чемпионат якунланганидан сўнг, бироз ҳордиқ чиқариш учун Анталия сафарига бориб келишди. Ушбу сафар якунига етганидан сўнг биз жамоа бош мураббийи Абдумалик Ҳакимов билан боғланиб иккинчи даврага тайёргарлик тўғрисида суҳбатлашдик.

-  Бир неча кун олдин Туркиянинг Анталия шаҳрига бориб келдинглар. У ерга йиғин ўтказиш учун бордингларми ёки бўлмасам шунчаки ҳордиқ чиқариш учунми?

-  Йўқ, биринчи давра якунланганидан сўнг дам олиб, ҳордиқ чиқариш учун Анталияга бориб келдик. Биз анталияда ҳеч қандай йиғин ўтказмадик. Клуб раҳбарияти биринчи давра ғолиби бўлсак, жамоани рағбатлантиришини айтганди. Биринчи даврана биринчи ўрин билан якунладик. Якунда раҳбарият томонидан Анталия сафарига бориб, дам олиб қайтдик. Келгувсида хорижда йиғин ўтказиш учун Анталияни кўздан кечириб қайтдик. Кейинги сафар хорижда йиғин ўтказиш режада бор.

-  Эшитишимча биринчи даврада ғолиб бўлганинглар учун раҳбарият жамоа футболчиларини рағбатлантириш учун хориж йиғини ташкил этган экан. Агарда олий лига йўлланмасини қўлга киритсанглар, раҳбарият жамоадаги барча футболчилардан тортиб мураббийлар штабигача рағбатлантиришини сизларга айтганми?

Албатта, агарда олий лига йўлланмасини қўлга киритадиган бўлсак яна бир маротаба хориж сафарига чиқиб келамиз. Айни дамда Қувасойда йиғин ўтказяпмиз. Ўзимиз кўрган ва билган футболчиларни йиғинга жалб қилганмиз. Барча яхши билса керак қишки ва ёзги йиғинда футболчиларни жамоага қўшиб олса бўлади. Қишки йиғинда бемалол янги футболчиларни кўриб олса бўлади. Ёзги йиғин қисқа бўлгани учун кўз остимга олиб қўйган футболчиларни жамоа йиғинига таклиф қилдим.


-  Жамоа йиғинига кимлар келди ёки аксинча кимларга жавоб берилди?

-  Жамоа йиғинига 7-8 нафар футболчи келиб қўшилди. 10 нафар футболчига жавоб бердик. Клубни тарк этганлар асосан бошланғич таркиб футболчилари ҳисобланади. Умид Матмусаев ва Оқил Маҳмудовга жавоб бердик. Олий лиганинг “Машъал” жамоасидан Умид Матмусаевга таклиф тушган эди. Унга ҳеч қандай қаршилик билдирмасдан руҳсат бердик.

-  Олий лига жамоаларида тўп тепган футболчиларни клубга таклиф қилдингларми?

-  Албатта,”Обод” жамоаси таркибида тўп тепган Суннатилла Эрматовни таклиф қилганмиз. Бундан ташқари “Машъал”, “Навбаҳор”, “Обод”, “Шўртан” ва “Нефтчи” жамоаларида тўп тепган футболчиларни йиғинга таклиф қилганмиз. Ҳозирча қайси футболчилар эканлигини айтмай тураман. Шартнома имзолаганимиздан сўнг футболчиларни исмларини ошкор қиламан.

-  “Цементчи” иккинчи даврада ўз ўрнини бошқа жамоаларга бериб қўйиши мумкин, деган гаплар айланиб юрибди. Бунга қандай изоҳ берасиз?

-  Шунга ўхшаган гапларни мен ҳам эшитдим. Биз ўз олдимизга қўйган мақсадимиз сари интиламиз. Ҳеч қачон ортга қадам ташламаймиз. Бизнинг мақсадимиз олий лигага чиқиш. Ким қандай ўйласа ўйлайверсин. Ҳамма ўз фикрига эга.

-  Олдинда кимлар билан ўртоқлик учрашувларини ўтказиш режада бор?

-  Ўртоқлик учрашувларини ўтказиш режалаштирилган. Фарғонанинг “Нефтчи”, Наманганнинг “Навбаҳор” жамоалари билан ўртоқлик учрашувини ўтказиш режалаштирилган. Бундан ташқари биринчи лиганинг бошқа бир жамоаси, “Андижон” клубига қарши назорат учрашувини ўтказиш ҳам режада бор. “Қўқон-1912” жамоаси билан ҳам назорат учрашувини ўтказамиз. Ҳозирча “Навбаҳор” жамоаси билан аниқ келишиб олмаганмиз, лекин “Нефтчи” билан ўртоқлик учрашуви ўтказиш борасида келишиб олганмиз. 


Жаҳонгир Сотволдиев суҳбатлашди

Автор :
Рейтинг:    

Комментарии

championat.asia
< посмотреть последние новости
Яндекс.Метрика