Абдулазиз Жўрабоев: "Нурафшон"ни мағлуб этмоқчимиз"

- Абдулазиз, биламизки "Зомин" клуби анча тажрибали жамоа ҳисобланади. Ушбу жамоа билан ўтказилган учрашув ҳақида фикрларингиз қандай?
- Биз сафарда "Зомин" жамоасига қарши қийин учрашув бўлишини билар эдик. "Зомин" жамоаси тажрибали ва яхши шаклланган жамоа. Шунга қарамай биз учрашувга жиддий тайёргарлик кўрдик. Жамоамиз бош мураббийи Салимжон Зокиров бу учрашув биз учун қийин бўлишини, ўйинга пухта тайёргарлик кўришимиз лозимлигини уқтирди.

Учрашув давомида бизда ҳам яхши вазиятлар юзага келди, афсус фойдалана олмадик. Агар ўша вазиятлардан фойдаланиб, рақиб дарвозасига гол ура олганимизда, ҳозир уйимизга 3 очко билан қайтаётган бўлар эдик."Зомин" жамоасига келаси учрашувларда омад тилайман.

Биз навбатдаги учрашувни ўз майдонимизда гуруҳимиз пешқадами "Нурафшон" клубига қарши ўтказамиз. Насиб қилса, ушбу учрашувда ғалаба қозониб, мухлисларимизни хурсанд қиламиз деган умиддаман.

Бекзод Толибов ёзиб олди