Аарон Рэмзи "Ювентус"да нечинчи рақам остида ўйнайди?
15 июл 2019 18:10
Новости

Аарон Рэмзи "Ювентус"да нечинчи рақам остида ўйнайди?

"Ювентус"нинг янги аъзоси Аарон Рэмзи "Юве"да 8-рақам остида ҳаракат қилади.

Уэлслик футболчи клубдаги бўш турган 8-рақамни олди. Бу анча олдин маълум бўлиб улгурган бўлса ҳам расман эълон қилинмаган эди.

Бундан олдин 8-рақамда Клаудио Маркизио, Амаури, Мауро Каморанеси, Антонио Конте ва Дидье Дешам каби юлдузлар тўп сурган.

Футболчи фаолиятини "Кардифф Сити"да бошлаган ва айнан шу клуб тарбияланувчиси ҳисобланади. 2008 йилда Рэмзини Лондоннинг "Арсенал" клуби ўз таркибига қўшиб олган. Лондонликлар уни турли йилларда "Ноттингем Форест" ва "Кардифф Сити" клубларига ижарага берган.