RU

Последние новости

01:0140 ёшли Фабиански яна "Вест Хэм"га қайтди. Дарвозабон ўтган мавсум охирида клубни тарк этганди  0 00:41Расман: Эриксен эркин агент сифатида "Вольфсбург"га ўтди  0 23:42Рўзиқул Бердиев: "Беш кишилик ҳимояни ёриб ўтишни яхши уддаладик. Элит ОЧЛда муносиб бўлишга ҳаракат қиламиз"  5 22:56"Бавария" бир неча йил аввал 14 ёшли Ямални сотиб олмоқчи бўлган, аммо трансфер суммасини тўлашга журъат этмаган  2 22:21Виктор Карпенко: "Илк гол сабаб биринчи бўлимда тўртта ўтказдик"  7 21:44Анри Франция терма жамоаси ҳақида: "Янги мураббий ким бўлишини барчамиз биламиз"  0 21:20Нойер: "Германия таркибида бошқа ўйнамайман. Бу онгли қарор эди"  4 20:52Суперлига. "Насаф" "Бухоро"ни йирик ҳисобда мағлуб этди  61 19:23Тоуни: "Саудия лигаси мен учун АПЛ билан бир даражада"  8 18:273 ўйинда 2 очко тўплаган Симеоне: "Учинчи ўрин етарли эмас. Чемпион бўлиш вақти келди"  5 17:33“Бу оптимал таркиб эмас. Ҳакам қарорлари тўғри эди, мағлубиятни тан ола билиш ҳам керак" — Санъат Шихов Эрон билан ўйин ҳақида  42 17:18Тожикистоннинг икки терма жамоасида истеъфо юз берди  17 17:07"Ман Сити" ҳужумчиси жароҳат туфайли МЮга қарши ўйинни ўтказиб юборади  1 16:24"Интер" 2025/26 мавсум учун учинчи формани тақдим этди. У "2000-йилларда жамоани яхши кўрганлар ва бугун уни севувчиларга" бағишланган  2 15:49"Барселона" Хасбуллани "Камп Ноу"га таклиф қилди  9

А Серия қайтмоқда: 8-тур превьюси Новости

А Серия қайтмоқда: 8-тур превьюси

Бугун Италия чемпионатининг навбатдаги тури старт олади.

"Наполи" - "Торино"

Неаполь шарафини ҳимоя қилувчи клуб сафида жароҳат олганлар етарлича топилади. Лозано ва Осимхен ҳамон тикланиш жараёнини бошдан ўтказишмоқда, Политано ҳам бу турга қайтиб улгурмаса керак. Зербинга имконият берилса керак. Бу ҳолат айниқса Распадорининг терма ўйинидан кейин чарчаган бўлиши билан анча реаллашмоқда. Шунингдек, ҳужумда Симеоне ҳам илк дақиқалардан майдонда ҳаракат қилса керак. 

"Торино"да Риччи ва Войвод жамоасига аниқ ёрдам бера олмайди. Алексей Миранчук захирадан майдонга туширилса ажаб эмас. Радоньични эса яна асосий таркибда кўришимиз эҳтимоли юқори.

Ўтган сафар "Наполи" 1-0 ҳисобида зафар қучган. Бўлажак баҳсда ҳам фаворит айнан "Наполи". Чиндан ҳам "Торино" охирги вақтларда ишончли ўйин кўрсата олмаяпти. Қўшимчасига "Наполи" билан ўйин Неаполда бўлиб ўтади.


"Интер" - "Рома"

Симоне Индзагини ҳам таркиб, ҳам жамоаси ўйини борасида муаммоларга дуч келмоқда. Чалханоглу жамоага ёрдам бера олмаслиги аниқ, Лукакунинг майдонга тушиши эса катта сўроқ остида. Футболчининг ўзи сафга қайтишга ваъда берган ва астойдил бунинг учун ҳаракат қилмоқда. Аммо шифокорлар ҳозирча якуний жавоб беришмади. Бундай ҳолатда асосий таркибда "Рома"нинг собиқ футболчилари Мхитарян ва Жекони асосий таркибда кўришимиз мумкин. Шунингдек, Брозовичнинг жароҳатини ҳам унутмаслик зарур. 

"Рома" таркиби ҳақида гапирадиган бўлсак, Пеллегрини сафга қайтган. Дибала ҳам зарурат туғилса, майдонга тушиши мумкин, балки иккинчи бўлимда. Лекин Кумбула ва Эл-Шаарави ҳамон лазаретда.

Жамоаларнинг охирги учрашуви айнан Миланда бўлиб ўтган ва "Интер" 3-1 ҳисобида ғолиб бўлган. Бу сафар ҳам "Интер" фаворит сифатида қаралмоқда. Мутахассислар Симоне Индзаги терма жамоалар ўйини сабабли юзага келган танаффусда нимадир ўйлаб топа олганига ишониншмоқда.


"Эмполи" - "Милан"

Умуман олганда Эмполи шаҳри жамоасининг таркиб билан муаммолари кўп эмас. Шундоқ ҳам анчадан буён лазаретда бўлган Тонелли бу сафар ҳам жамоадошларига ёрдам бера олмайди. Шунингдек, Бальданзи ва Дестронинг иштироки сўроқ остида. Аммо Ламмерс яхши формада, айнан у ҳужумда Сатриано билан жуфтликда ҳаракат қилиши кутилмоқда. 

"Милан"да эса таркиб билан вазият жиддийроқ. Калабрия ва Меньян, Тео жароҳатланган, Крунич сафга қайтиб улгуриши ҳам аниқ эмас. Дисквалификация муддатини ўтаб бўлган Леао таркибга қайтиши жамоа мухлислари учун қувончли хабар.

Сўнгги бор ушбу клублар Миланда рўбаро келган ва беллашув анчагина муросасиз руҳда ўтиб, "қизил-қоралар" Калюлюнинг голи эвазига оғир ғалабани тантана қилишган. Таркибдаги муаммоларига қарамай, мутахассислар бу сафар ҳам "Милан"га яққол устунликни беришмоқда. "Эмполи"га ўз уйида ҳам жуда оғир бўлади.


"Аталанта" - "Фиорентина"

Гасперини жароҳатлардан азият чекишда давом этади. Мураббийга ҳозир ҳеч ким ҳавас қилмаётган бўлса ажаб эмас. Компейнерс, Заппакоста ва Муссо жароҳатланган ва бу ҳали олдинроқ сафдан чиққан Жимсити, Демираль, Паломино ва Сапатасиз. Околини ҳам, Скальвинини ҳам ҳимоя чизиғида чизиғида ҳаракат қилса керак. 

"Фиорентина"да ҳам бу борада ҳаммаси жойида деб бўлмайди. Голлини ҳамон сафга қайтганича йўқ, шунингдек, Миленкович, Додо ва Кастровилли ҳам лазаретда. Ярим ҳимояда Амрабатнинг жамоага ёрдам бера олиши катта сўроқ остида қолмоқда. Аммо Барак сафга ва ажойиб ҳолатда, ваҳоланки, у ҳам бу беллашувни ўтказиб юбориши мумкин эди. 

Аввалги сафар "Фиорентина" ўз уйида 1-0 ҳисобида зафар қучганди. Шундай бўлсада, бўлажак баҳс олдидан фаворит "Аталанта". "Бергмасклар" етакчилар қаторида бормоқда ва жароҳатлар кўплигига қарамай, бу турда ҳам Гасперини жамоасидан ғалаба кутилмоқда. Ҳар қандай ҳолатда ҳам меҳмонларга осон бўлмаслиги аниқ.


"Ювентус" - "Болонья" 

Дисквалификациядан Миликнинг қайтиши Аллегрини учун ажойиб янгилик. Бироқ худди шу сабаб билан Ди Мария бу турни ўтказиб юборишга мажбур. Алекс Сандро ва Миреттининг бу баҳсда иштирок этиши номаълумлигича қолмоқда. 

"Болонья" ҳақида гапирадиган бўлсак, Тиаго Мотта жамоаси бу ўйинга деярли оптимал ҳолатда етиб келмоқда. "Россоблю" сафида фақатгина Сумароги ўйинни ўтказиб юборади. Сансоне эса ҳеч бўлмаса баҳснинг маълум бир қисмида жамоасига ёрдам бера олади. 

Ушбу жамоаларнинг ўтган сафарги тўқнашувида 1-1 ҳисоби қайд этилган. Ҳозир "Ювентус" табиийки яққол фаворит. Клуб омадсиз даврига айнан шу ўйин орқали нуқта қўйишга астойдил ҳаракат қилиши аниқ. Назаримизда, туринликлар буни уддалай олишади. "Болонья" даража бобида ҳам, жамоаларнинг ҳозирги ҳолатидан келиб чиқиб ҳам рақиби билан тенглаша олмайди.


Сергей Румянцев 

Нозима Зарипова таржимаси

Рейтинг: +1   

Комментарии

championat.asia
< посмотреть последние новости
Яндекс.Метрика