4 нафар ҳакам қишки аттестациядан ўта олмади
20 дек 2017 12:22
Новости

4 нафар ҳакам қишки аттестациядан ўта олмади

Куни кеча ЎФФ юртимиздаги ҳакамларни аттестациядан ўтказган эди.

Пойтахтимиздаги енгил атлетика марказида Ўзбекистон Футбол Федерациясининг аттестация бўйича комиссияси томонидан Олий лига ва Биринчи лигада фаолият юритувчи жами 56 нафар бош ҳакамлар ва лайнсменлар аттестациядан ўтказилди.

4 нафар ҳакам жисмоний тайёргарлик бўйича тестдан ўта олмади. Булар олий лига бош ҳаками Вадим Агишев, биринчи лига бош ҳаками Игорь Гормашев, олий лига қанот ҳакамлари Абдураҳмон Қўлдошев ва Анвар Маражабов. Улар февраль ойида яна бир бор имкон берилади.

Бу ҳақда сайтимизга ЎФФ Ҳакамлар ва назоратчилар бошқармаси бошлиғи Маъмур Саидқосимов маълум қилди.