2019 йилнинг энг яхши тўпурари ким бўлади?

“Бавария” ва Польша терма жамоаси ҳужумчиси Роберт Левандовски йил бошидан буён рақиблари дарвозасига 51 та гол (55 ўйин) уришнинг уддасидан чиқди. Иккинчи ўринда “Олтин тўп” соҳиби Лионель Месси бормоқда. У ҳозиргача 49 та гол (55 ўйин) уришга эришди.

Учинчи поғоанада эса 38 тадан гол урган “Ман Сити” вингери Раҳим Стерлинг (57 та баҳс) ва ПСЖ ҳужумчиси Килиан Мбаппе (45 та ўйин) боришмоқда.

Кучли бешликда 35 тадан гол урган Криштиану Роналду ва Серхио Агуэро жой олишган.

Эслатиб ўтамиз, ўтган йили энг яхши тўпурарлар баҳсида ғолиб чиқиш учун Мессига 51 та гол киритиш кифоя қилганди.