2010 йилда Роналду айбловни пул билан бости-бости қилган
28 апр 2017 10:34
Новости

2010 йилда Роналду айбловни пул билан бости-бости қилган

Der Spiegel журнали "Реал" ҳужумчиси Криштиану Роналду 2010 йилнинг январида зўрлаш айбловидан қутилиш учун 375 минг доллар тўлаганини тасдиқловчи ҳужжатлар тақдим этди.

Немис нашри Роналду ва унинг кўп йиллик маслаҳатчиси Осорио де Кастро ўртасидаги ёзишмаларни тақдим этди.

"Ўртадаги одамнинг айтишича, қиз йиғлаётган экан, аммо ҳозирча товон пули ҳақида гап бўлгани йўқ. Кейнироқ айтишса керак" - дейди де Кастро Роналдуга. "Яхши" - дея жавоб беради португалиялик.

Кейин футболчининг телефон рақамига де Кастродан янги хабар келади: "950 минг доллар". Роналду қуйидагича жавоб қайтаради: "Шунча сўрашяптими?".

Бироз вақт ўтиб Осорио мижозига яна хабар жўнатади: "Бу биринчи талаб. Ҳозир 660 минг евро сўрашмоқда. Биз рад этдик. Музокаралар давом этмоқда".

"Жуда кўп эмасми?" - деб ёзади Роналду.

Де Кастро жавоб қайтарди: "Менимча, ҳа. Камроққа келишишимиз керак".

"Камайтиринг!" - ёзишмани давом эттирди Криштиану.

Кейинроқ де Кастро Роналдуга музокаралар натижаси ҳақида гапирди: "Биз 260 минг еврога келишдик. Бундан ташқари, ўртадаги одамга ҳам пул тўлаш лозим. Шу билан бирга пул ўтказишни амалга оширадиган юристларга ҳам пул бериш керак. Тўғри, бу катта пул. Аммо бу ҳозирги вазиятдан чиқиб кетишнинг энг тўғри услуби, бундай келишувга эришиш осон бўлмади".

Der Spiegel ушбу маълумотларга қўшиб, Роналдунинг имзоси бўлган ҳужжатларни ҳам тақдим этди. Нашр пул ўтказмаси борасида исбот кўрсатди, аммо зўрлаш ҳақида ҳеч нарса йўқ.