2000 йилдан буён Дания терма жамоасини бошқарган мураббий фаолиятини якунлади
18 ноя 2015 10:00
Новости

2000 йилдан буён Дания терма жамоасини бошқарган мураббий фаолиятини якунлади

Дания терма жамоаси бош мураббийи Мортен Ольсен жамоани Евро-2016га олиб чиқа олмагач истеъфога чиқишини маълум қилди.

«Мен Федерация ва футболчиларга барчасини айтиб бўлдим. Давом эттиришдан маъно йўқ. Албатта, футболчи ва мураббийликдаги 35 йиллик фаолиятимни якунлаш оғир. Аммо мен даниялик мухлисларга раҳмим келаяпти», – дейди 66 ёшли мураббий.

Ольсен футболчи сифатида Дания терма жамоаси сафида 100та ўйин ўтказган дастлабки ўйинчи ҳисобланади. У «Брондбю», «Кельн» ва «Аякс» клубларида ишлаган. Ольсен 2000 йилдан буён Дания терма жамоасини бошқариб келаётган эди. 15 йил давомида унинг бошчилигида жамоа 166та ўйин ўтказди.

Бундан ташқари, 36 ёшли «Генгам» ҳимоячиси Ларс Якобсен ҳам терма жамоадаги фаолиятига якун ясади.

Ссылка :

Источник : uefa.com

Получайте новости прямо в Telegram!

Рейтинг: +2