"Ривожланиш кубоги". Ўзбекистон U-17 термаси Россияга қарши ўйинда 0:2ни 2:2га айлантира олди
18 фев 2024 14:16
Новости

"Ривожланиш кубоги". Ўзбекистон U-17 термаси Россияга қарши ўйинда 0:2ни 2:2га айлантира олди

Аскер Халмуратов бошқарувидаги Ўзбекистон U-17 терма жамоаси 18-24 февраль кунлари Беларусда бўлиб ўтадиган "Ривожланиш кубоги" халқаро турнирида иштирок этади.

Дастлабки турда вакилларимиз Россия U-16 термасига қарши майдонга тушишди.

Қизиқарли беллашувда рақибларимиз 1-дақиқадаёқ ҳисобни очишди, 18-дақиқада эса ҳисоб 2:0 кўриниш олди.

Шунга қарамай, ўзбекистонлик футболчилар ўзларини йўқотиб қўйишмади ва Даврон Тўлагановнинг дубли эвазига мувозанатни тиклашди.

Учрашувнинг қолган дақиқаларида жамоалар қанчалик уринмасин, бошқа гол ура олишмади.

Россия U-16 — Ўзбекистон U-17 2:2
Голлар: 1:0 Роман Босов 1`; 2:0 Даниил Тушич 18` — 2:1 Даврон Тўлаганов 24`; 30.

Ўзбекистон U-17 — 1. Расул Маматов, 4. Беҳрузжон Каримов, 5. Диёр Эрманов, 6. Озодбек Ибодуллаев, 7. Қувончбек Абраев, 8. Шаҳобиддин Пўлатов, 14. Орзибек Турғунов, 18. Азизбек Анваров, 19. Озодбек Тоджиев, 20. Алишер Шукуров, 22. Даврон Тўлаганов.
Захира: Зайниддин Юсуфхонов, Шораҳим Шораҳмедов, Муҳаммадали Қодиржонов, Асадбек Анваров, Жасурбек Жумабоев, Диёрбек Қўшматов, Саддам Аҳмадов, Оғабек Эшмаматов, Комронбек Юсупов.

Учрашувни ҳавола орқали жонли эфирда кузатишингиз мумкин бўлди.