Деле Алли ҳам жароҳат олди

АПЛнинг 23-туридан ўрин олган “Фулхэм”га қарши баҳсда “шпорлар” ярим ҳимоячиси Деле Алли жароҳат олди. Футболчи 86-дақиқада ўз ўрнини Нкудуга бўшатиб беришга мажбур бўлди. Клуб бош мураббийи Маурисио Почеттино сўзларига кўра, Алли тизза ости пайларини жароҳатлаб олган. У тез орада тиббий кўрикдан ўтказилади.

22 ёшли Алли жорий мавсум 17 та ўйинда иштирок этиб, 5 та гол урди ва 1 та голли узатмани амалга оширди.