Zoir To'raqulov: "SHo'rtan"da yangi futbolchilarni sinovdan o'tkazayapmiz"

O'yin tugagach "SHo'rtan" bosh murabbiyi Zoir To'raqulovning fikrlari bilan qiziqdik.

"Futbolchilarga jismoniy yuklamalar berib borayapmiz, orada o'rtoqlik uchrashuvlari ham o'tkazilmoqda. "Obod", "Oq-tepa" mana bugun "olmaliq"qa qarshi o'ynadik. Bir qator yangi futbolchilarni ko'rikdan o'tkazayapmiz. Xurshid Xo'jaev, Hasanboy Ergashev, Maruf Murodov, Kenja To'raev, Xolmurod Xolmurodov va Abbos Omonov shular jumlasidan. Hozircha hech bir futbolchi bilan shartnoma tuzganimiz yo'q, barcha yangilar ko'rikdan o'tishmoqda".

"Endi jamoaga 3 kunlik dam beramiz. Fevral oyi boshidan yana Toshkentda to'planamiz. 5 fevral kuni PFL kubogi start oladi, ushbu musobaqada qatnashamiz".

"Jamol Otaqulov meni himoyachi sifatida qoniqtiradi, shu bois ham yana jamoaga qaytardik. Bu mavsumda Otaqulovga yana imkoniyat beramiz. Asror Aliqulov o'ynovchi murabbiy bo'lib faoliyat olib boradi. U zarur vaqtda maydonga tushishi mumkin", - deydi Zoir To'raqulov.