Zohir Qo'ziboev: "Terma jamoada bosim juda katta va og'ir"

Milliy terma jamoadan ilk marta chaqruv olgan "Mashal" klubi hujumchisi Zohir Qo'ziboev har ikki uchrashuvda maydonga tushdi. Birinchi o'yinda 60 daqiqa harakat qilgan hujumchi bitta gol muallifiga aylangan bo'lsa, ikkichi bahsda 30 daqiqa harakat qildi. Futbolchi  championat.asia saytiga dastlabiki o'yini borasida fikrlarini bildirib o'tdi.

"Terma jamoa libosini kiyishni har bir futbolchi orzu qiladi.  Klub bilan terma jamoa orasida juda katta farq bor. U erda bosim juda katta va og'ir bo'ladi. Birinchi o'yinimdan qoniqmadim. Albatta, hayajon bo'ldi va bazi vaziyatlarda bu menga pand berdi. Muhit ajoyib ! Hamma bir birini qo'llab turadi. Ikkita juda kuchli terma jamoada qarshi o'ynadik. Men terma jamoada ko'proq gollar urishni istayman va buning uchun qanchalik ko'p mehnat qilish kerakligini bitta o'yindan tushundim" , - deydi Zohir Qo'ziboev.

- Bir yil oldin Oliy ligada debyut qilgan futbolchi , bir yildan so'ng terma jamoa libosini kiyishi bu albatta har bir futbolchini orzusi bo'lsa kerak ?

Albatta, o'tgan mavsum ko'rsatgan o'yinlarimdan ko'nglim to'lmadi deya olmayman. Birinchi navbatda o'tgan mavsum menga o'ynash uchun imkon bergan murabbiyimiz Aleksandr Xomyakovga alohida minnatdorchilik bildiraman. "Mashal" klubining ishonchi orqali terma jamoada gol urganimdan faxrlanaman. Bunda klubning o'rni juda ham ahamiyatli bo'ldi. Xomyakovni ishonchini men oqlashim kerak. Bitta o'yin va gol bilan to'xtab qolmoqchi emasman. Yaponiyadagi va Janubiy Koreyadagi muhitda birinchi marta harakat qildim. Xatolar keyingi safar takroklanmaslik kerak. Endi bor etiborni chempionatga qaratib o'z o'yinimni ko'rsatsam albatta yana terma jamoaga chaqirilishimga ishonaman.