Zohid Nurmatov: "Vaziyatlardan foydalana olmadik"

- O'yinga o'zinglar guvoh bo'ldinglar, juda shiddatli tarzda o'tdi. Maydonga faqat g'alabani ko'zlagan holda tushgandik. Gol urish uchun qulay imkoniyatlarga ega bo'ldik. Lekin, vaziyatlardan foydalana olmadik.

- O'ylashimcha, futbolchilarimiz tanaffusdan keyin ham xuddi birinchi bo'limdagi kabi shiddatli ruhda harakat qilishdi. Birinchi bo'limda hisobni ochganimiz sababli yigitlar kuchiga kuch qo'shildi. Tanaffusdan keyin raqib hisobda oldinga chiqib olganligi bois bo'shashmasdan harakat qilib, vaziyatdan chiqib ketishga intildik.

- Raqib o'yini haqida gap ketganda, “Olmaliq” jamoasi bugungi kundagi eng kuchli klublardan biri sanaladi. Jamoa tarkibidan mahoratli futbolchilar joy olishgan. Buning isboti sifatida olmaliqliklarni musobaqa jadvalida egallab turgan o'rnini keltirib o'tishim mumkin. Joriy chempionatda yuqori pog'onalardan joy olishning o'zi bo'lmayotganini barcha ko'rib turibdi.

- Keyingi uchrashuvlarda “Olmaliq” jamoasiga omad tilab qolaman. Umuman olganda, futbolchilarimiz o'yinni yaxshi boshlashdi. Lekin, tanaffus arafasida o'tkazib yuborilgan gol qaysidir manoda jamoamiz azolariga tasir ko'rsatdi. SHunga qaramay, durangni taminlay oldik. Agar mehmonlar birinchi bo'lim so'nggida gol urmaganida, o'yin boshqacha ruhda o'tgan bo'lardi deb o'ylayman.