Jo'ra Xonnazarov turniri. “Bunyodkor-2001” finalda!

Dastlab maydonga “Paxtakor” va “Andijon” jamoalari chiqib kelishdi. Uchrashuv startidayoq andijonliklar hisobni ochishga erishdilar va tanaffusgacha bitta to'p farqidagi g'alabani saqlab turishdi. Ikkinchi bo'limda “Paxtakor” futbolchilari o'yinida anchayin jonlanish kuzatildi. Bunga asosiy sabab sifatida toshkentliklar murabbiyi Sergey Tokov tarkibda birdaniga 7-8ta o'zgartirish kiritgani bo'ldi. Natijada, “Paxtakor” futbolchilari ketma-ket uch marta andijonliklar darvozasini ishg'ol qilishib, yakunda 3:1 hisobida zafar quchishdi.

Ikkinchi finalchini aniqlashda Toshkent derbisining guvohiga aylandik. Yani, “Bunyodkor” va “Lokomotiv” qarama-qarshiligi bo'lib o'tdi. “Bunyodkor-2001” futbolchilari Otabek Yusupovning boshi bilan kiritgan goli evaziga hisobni ochishdi. Vaziyatni o'nglash uchun oldinga o'tgan “temiryo'lchilar” ikki marta “qaldirg'ochlar” darvozasini ishg'ol qilishib, hisobda oldinga o'tib olishdi. Birinchi taymni boy bergan “Bunyodkor”, ikkinchi bo'limda umuman boshqacha o'yin namoyish etdi. Murabbiylarning daldasi yosh “qaldirg'ochlar”ning o'yinini jonlantirdi, desak mubolag'a bo'lmaydi. SHunga yarasha “Bunyodkor” futbolchilari iroda ko'rsatib, bahsni 3:2 hisobi bilan o'z foydalariga hal qilishdi. Sardor Usmonovning dubli “Bunyodkor-2001”ga final eshiklarini ochdi.

Yarim finallar
25 iyun. “CHilonzor” stadioni
9:00. “Paxtakor” – “Andijon” 3:1
10:00. “Bunyodkor” – “Lokomotiv” 3:2

Final
26 iyun. O'FF suniy maydoni
11:00. “Paxtakor” – “Bunyodkor”