JCH-2014. Mundial ishtirokchilari - Kosta-Rika

Kosta-Rika terma jamoasi mundialdagi o'zining ilk ishtirokini 1990 yilda boshlagan.  Aynan o'sha jahon chempionatida Kosta-Rika guruhdan chiqib, 1/8 final bosqichigacha etib borgan edi. SHundan so'ng Kosta-Rikada avlodjlar almashuvi yuzaga keladi va terma jamoasi navbatdagi ikkita chempionatni o'tkazib yuborishadi. 2002 yilda Janubiy Koreya va Yaponiyada bo'lib o'tgan Jahon chempionatida ham yo'llanma olishgan edi. Lekin bu safar ularga guruhdan chiqish nasib etmagan. Keyingi Germaniyada o'tkazilgan sayyoramizning eng kuchli futbol musobaqasida ham qatnashishgan. Ammo guruh bosqichidagi barcha o'yinlarda raqiblariga imkoniyatni boy berishgan. 



Navbatdagi JARda o'tkazilgan mundialda Kosta-Rika ishtirok etmagan. Jahon chempionati saralash bosqichida KONKAKAF mintaqasida to'rtinchi o'rinni olishgan va pley-offda Urugvay bilan kuch sinashishgan. Kosta-Rika Urugvay qarshiligini enga olishmagan va JARdagi chempionatni o'tkazib yuborishga majbur bo'lishgan edi.

Kosta-Rika hozirgacha uch bora mundialda qatnashgan va Braziliyada bo'lib o'tadigan Jahon chempionati  ular uchun to'rtinchisi hisoblanadi.



Kosta-Rika KONKAKAF chempionatida uch bora g'oliblikni qo'lga kiritgan.

Bu terma jamoa safida bir qator kuchli futbolchilar to'p tepishgan. Kosta-Rika futbolida Aleshandre Borjis Gimaraes, Ronald Gomes, Paulo Vanchope, Uinston Parks, Xose Porras, Ernan Medford, Valter Senteno, Rolando Fonseka kabi taniqli chart to'p ustalari etishib chiqishgan.



Ayni paytda jamoani Kolumbiyalik Xorxe Luis Pinto boshqarib bormoqda. Jamoa tarkibida yulduz futbolchilar yo'q. Kosta-Rika asosiy etiborini jamoaviy o'yinga qaratadi. Luis Pintoning himoyaviy o'yin uslubidan ko'ra, hujumkor futbolni yaxshi ko'radigan mutaxassislardan hhisoblanadi. SHu bois Kosta-Rika ko'proq ochiq futbol ko'rsatmoqda. Ular uchun Braziliyada bo'lib o'tadigan mundial katta tajriba maktabini o'tab bera ajab emas. Sababi, ular o'lim guruhi nomini olgan "D" guruhidan joy olishgan. Italiya, Angliya va Urugvayga qarshi bellashish ularga oson bo'lmasligi aniq. Kosta-Rikaning asosiy maqsadi bu ushbu mundialda munosib ishtirok etishdir. Kosta-Rikalik muxlislarni guruh bosqichidayoq uchta finalga teng katta uchrashuvlar kutib turibdi. Futbol bayrami ular uchun ham qiyin va juda maroqli o'tadi desak mubolag'a bo'lmaydi. Bu kabi terma jamoalarga qarshi o'yinlarda ular final bahsiga tushgandek katta ishtiyoq bilan harakat qilishadi. Agarda mo'jiza ruy bermasa, Kosta-Rika guruhdan chiqa olmaydi. Aksincha bo'lsa, unda Kosta-Rikani bemalol musobqada favoritlari safiga qo'shib qo'yish ham mumkin bo'ladi.



Kosta-Rika terma jamoasi haqida:

Tashkil topgan yil: 1921
Bosh murabbiy: Xorxe Luis Pinto
Jamoa sardori: Brayan Ruis
Eng ko'p o'yin o'tkazgan futbolchi: Valter Senteno (137 o'yin)
Eng yaxshi to'purar: Rolando Fonseka (47 gol)
FIFA reytingidagi o'rni: 34
Ilk o'yin: Kosta-Rika - Salvador 7:0 (1921 yil)
Eng yirik g'alaba: Kosta-Rika - Puerto-Riko 12:0 (1946 yil)
Eng yirik mag'lubiyat: Meksika - Kosta-Rika 7:0

Erishgan yutuqlari:
KONKAKAF chempioni: (1963, 1969, 1989)



Darvozabonlar: Keylor Navas ("Levante", Ispaniya), Patrik Pemberton ("Alaxuelense"), Daniel Kambronero ("Erediano").

Himoyachilar: Jonni Akosta ("Alaxuelense"), Jankarlo Gonsales, Veylon Frensis (ikkisi - "Kolambus", AQSH), Xayner Mora, Maykl Umana (ikkisi - "Saprissa"), Xunior Dias ("Maync", Germaniya), Kristian Gamboa ("Rusenborg", Norvegiya), Roy Miller ("Nyu-York Red Bullz", AQSH), Oskar Duarte ("Bryugge", Belgiya).

Yarim himoyachilar: Selso Borxes (AIK, SHveciya), Kristian Bolanos ("Kopengagen", Daniya), Oskar Esteban Granados, Xose Migel Kubero (ikkisi - "Erediano"), Maykl Barrantes ("Olesunn", Norvegiya), Elcin Texeda ("Saprissa"), Diego Kalvo ("Volerenga", Norvegiya).

Hujumchilar: Brayan Ruis (PSV, Gollandiya), Joel Kempbell ("Olimpiakos", Greciya), Rendall Brenes ("Kartagines"), Markoc Urenya ("Kuban", Rossiya).



SHahboz Beg'amov tayyorladi.