JCH-2006 finali hakami: Zidanga qizil ko'rsatganimda u men uchun oddiy o'yinchi edi

Albatta, matbuotdagi chiqishlar tufayli o'sha qarorim qanchalik muhim qarorni qabul qilganimni keyinchalik tushundim. Ammo Zidanga qizil ko'rsatgan vaqtda buni sezmagandim. U men uchun jamoaning oddiy o'yinchisi edi.

Materacci yiqilganida to'p boshqa tomonda edi, men tabiiyki o'sha tomonga qarab yugurayotgandim. To'p Materacci yotgan yarim maydon tomon o'tganida buni ko'rdim.

Materacci turmasdi. Uning turishini kutmoqchi bo'ldim. Ammo turavermagach o'yinni to'xtatdim. O'zimning birinchi yordamchimdan (Dario Garsiyu) so'radim: Dario, nimanidir ko'rdingmi? Nimaga u maydonda yotibdi?. U menga hech nimani ko'rmaganini malum qildi. Keyin ikkinchi qanot hakamiga (Rodolfo Otero) murojaat qildim, ammo u ham hech nima ko'rmaganini aytdi.

Zaxira hakami Luis Medina Kantalexo naushnik orqali barchasini aytib berdi: Orasio, men ko'rdim. Zidan Materaccini ko'kragiga boshi bilan kuchli zarba berdi.

Kantalexodan nima uchun Zidan unga zarba berganini, Materacci bungacha qandaydir harakat qildimi deb so'radim. U faqat Zidanning zarbasini ko'rganini malum qildi.

Qanday qaror qabul qilish kerak? deb o'yladim. Zidan yonimda tinchgina turardi. Men bu vaziyatni ko'rmaganimni barcha bilardi, shu bois darhol unga qizil kartochka ko'rsata olmasdim.

Qanot hakami yoniga borib: Dario, etiborliroq bo'l dedim. O'zimga esa: 10 daqiqa qoldi yanada etiborli bo'l dedim.

So'ngra Zidanni yoniga kelib unga qizil kartochka ko'rsatdim. O'shanda hakamlarga naushniklar endi paydo bo'lgandi. Agar bosh hakam qanotdagi yordamchisini yoniga borsa nimanidir so'rashini barcha biladi.

Dario hech nimani ko'rmaganini bilardim. O'sha vaqtda uni yoniga borishim qaror chiqarishdagi muhim omillardan biri edi, – deydi Elisondo.