"JAR" stadionida farroshlar yo'qmi?

Gap shundaki, stadion o'rindiqlariga qachon suv tegib artilganini bilish juda qiyin. Agar buni arxeologlar kelib aniqlab bermasalar, changni qo'lingizda artish orqali, uning qalinligidan kelib chiqib bu erga so'nggi marotaba qachon farroshning qo'li tekkan ekan deb yuborasiz.

O'zbekiston olimpiya terma jamoasini "Mashal" bilan bo'lib o'tgan o'yinida kuzatilgan bu ayanchli holat, MTJ va OTJ o'yini oldidan bartaraf etilsa kerak deb o'ylagan edik. Afsuski adashgan ekanmiz.

Eng qizig'i "Oq-Tepa" va "Nasaf" jamoalari o'rtasidagi o'yin ham shu stadionda bo'lgan va buning uchun poytaxtliklar kichik bo'lmagan summani to'lab ham berganlar. SHunda ham hech bo'lmasa VIP o'rindiqlar artilmagan.

O'z paytida ne-ne yulduzlarni ko'rmagan bu stadionga kirib hozir futbol tomosha qilishni alergiyasi bor muxlislarga man etish kerak. Keling, yaxshisi buni suratlarda tomosha qilasiz.




VIPga kirgan odam, VIP darajasida o'tirishi kerak...




Lekin VIPdagi manzara bunday bo'lsa. Bir kishi aytga ekan: - yaxshi ham osmonda sigirlar uchmaydi...




JARda OAV uchun sharoit yo'q hisobi. Manavi chang bosgan oynali devorda OAV vakillari o'yin suratini chizib bemalol tahlil qilsalar bo'ladi...




O'yinga kelgan 1000 nafarga yaqin muxlislarning deyarli barchasi uylariga qo'shimcha ish olib bordilar. Kimdir onasiga, kimdir singlisiga, yana kimdir ayoliga shimlarini yuvib berishni iltimos qilgan bo'lsalar ajab emas...




Bu siz o'ylagan narsa emas! Stadionda farrosh yo'q deb bo'lmaydi. Tushlik vaqtida yuvilgan gilamlarni quritish uchun tribunaga osib qo'yishgan ekan. SHunaqangi xunuk manzara, asti qo'yaverasiz. Lekin bundan ayrim ishqibozlar unumli foydalandilar...