Jamshid Saidov: "Yoshlarimizdagi ishtiyoq meni xursand qilmoqda"

- Jamshid aka avvalo ketma-ket qo'lga kiritilgan g'alabalar bilan tabriklayman. Kechagi va Jizzaxdagi uchrashuvlar haqida fikringiz qanday?
- Rahmat. Kecha bo'lib o'tgan o'yin haqida gapiradigan bo'lsak, avvalo , biz amaldagi yoshlar ligasi g'olibiga qarshi maydonga chiqqanimizni bilar edik. SHu bois faqatgina jiddiy qarash va katta tayyorgarlik bilan maydonga tushdik. Muborakda katta futbolni yana qaytishini bayram sifatida boshlab berganimizdan xursandmiz.

- Maydondan harakat qilgan yigitlarning o'yinlaridan qoniqdim deya olasizmi? 2:0 hisobida g'alaba qozongan bo'lsak ham futbolchilarda jiddiy xatolar ko'zga tashlandi.
- Haqiqatdan ham mavsumdagi ikkiinchi uchrashuvni o'tkazdik. Kamchiliklar bo'ldi , lekin men yigitlarni o'yinidan to'liq qoniqdim. O'yindan ko'nglim to'ldi. Belgilangan vazifa g'alaba edi va uddaladik. Yigitlarga buning uchun minnatdorchilik bildiraman. Xatolar esa oshkor etilishidan foyda yo'q. Biz bularni alohida ko'rib chiqib muhokama qilamiz.

- Eldor SHomurodov bugun bir bo'lim davomida yaxshi o'yin ko'rsatdi va ikkinchi bo'limdan maydonda ko'rmadik.
- "Mashal"da yaxshi futbolchi ko'p. Biz hammasiga imkoniyat berishimiz shart. SHomurodovni o'yinidan qoniqdim va shu bois boshqa futbolchilarga imkoniyat berdim.

- Ikkinchi bo'limda jamoamiz asosan himoyaga etibor qaratdi. Bu taktik qo'llanma edimi yoki "Bunyodkor" imkoniyat bermadimi?
- Bu  birinchi bo'limdan keyin qo'llangan taktika edi. Biz hamma o'yinda ham hujumda o'ynamaymiz va bugungi ikkinchi bo'lim aynan himoyaviy o'yin bo'ldi. Qarshi hujumdan samarali foydalanishimiz va buni qo'llashimiz uchun kerak edi.