"Yuventus"da murabbiy o'zgaradi

Malumotlarga ko'ra, "Atalanta"ga qarshi Italiya Kubogi finali, A Seriyada o'tkaziladigan "Bolonya" va "Monca"ga qarshi bahslar 56 yoshli mutaxassis uchun Turin klubi bosh murabbiyi sifatida o'tkazgan so'nggi uchrashuvlari bo'ladi.

"Yuve" A Seriyaning so'nggi 5ta bahsining barchasida durang qayd etdi, oxirgi 15ta uchrashuvda esa bor-yo'g'i 2ta g'alabaga erishdi. Jamoa jadvalda 4-o'rinni egallab turibdi va kelasi mavsum CHempionlar ligasida ishtirok etadi.

Eslatib o'tamiz, Allegri 2014-2019 yillarda "Yuventus"da ishlab, 5ta chempionlik sovrinini qo'lga kiritgan edi. 2021 yilda Turin klubiga qaytgan mutaxassis sovrin yuta olmadi.