"Yuventus" Skamakkaga qiziqmoqda

Ayni damda Londonning "Vest Xem" klubida to'p tepayotgan italiyalik hujumchi Janluka Skamakka Turin jamoasiga o'tish ehtimoli mavjud.

Bu malumotni insayder Nikolo Skira ijtimoiy tarmoqlar orqali tarqatdi.

Jurnalistning so'zlariga ko'ra, 24 yoshli futbolchiga A Seriyaning bir qancha top-klublari qiziqish bildirmoqda. "Yuventus", "Inter" va "Milan" Skamakka bilan shartnoma imzolashdan manfaatdor, biroq hozircha hech bir klub uning agentlari bilan muzokaralarni boshlamagan.

Janluka o'tgan yozda "Sassuolo"dan "Vest Xem"ga o'tgan edi. Joriy mavsumda u 27 ta o'yinda maydonga tushib, 8 ta gol urdi.