“Yuventus” Golovin bilan kelishuvga erishdi

Saudiya Arabistoniga qarshi o'yinda bitta gol, ikkita golli uzatmani amalga oshirgan Rossiya terma jamoasi va CSKA klubi yarim himoyachisi Aleksandr Golovin “Yuventus” klubi bilan kelishuvga erishdi.

Qayd etilishicha, Turin klubi vakillari futbolchining agenti bilan kelishuvga erishgan. Biroq hali uning klubi bilan muzokaralar boshlanmagan.

Avvalroq, turinliklar futbolchi uchun 18 mln evro to'lashga tayyorligi xabar qilingan edi. “Armiyachilar” esa futbolchini 25 mln evrodan kamiga sotmoqchi emas. SHuningdek, futbolchiga “Barselona”ning ham qiziqayotganligi oydinlashdi.