So’nggi yangiliklar

12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  6 11:56Тимур Кападзе Паулу Бенту ҳақида фикр билдирди  16 11:44Карлуш Кейруш: "Бир неча йил аввал Ўзбекистон футболи "уйқу"да эди"  7 11:40Карлуш Кейруш Паулу Бенту ҳақида фикр билдирди  0 11:20Ўзбекистон МТЖ эртага янги формада ҳаракат қилади  5 10:53Довбик А Сериянинг бошқа жамоасига ўтишга яқин  3 10:28Хави Симонс фаолиятини АПЛда давом эттиради (Фабрицио Романо)  4 09:57Адриен Рабьо "Милан"га ўтмайди, онаси унинг "Марсель"да қолишини истамоқда  1 09:25Ислом Исмоилов: "Жаҳон чемпионати олдидан Англия, Канада, Марокашга қарши ўйнаш жамоага куч беради"  1 08:56"Ньюкасл" Исакнинг ўрнига Германиядан ҳужумчи олиб келади  7 08:30"Ньюкасл" Исакни "Ливерпул"га сотишга рози бўлди  2 08:02Sofascore. Кечаги учрашувда Шомуродов ва Файзуллаев неча баҳога лойиқ кўрилди?  46 07:28Аморим энг ёмон натижани қайд этмоқда  5 01:51Расман: Оле-Гуннар Сульшер истеъфога чиқарилди  2 01:30Отабек Боймуродов: "Ҳар бир рақиб учун алоҳида тайёрланамиз"  5

Izzatilla Abdullaev: "Neftchi"da murabbiy sabab qolishga qaror qildim" Yangiliklar

Izzatilla Abdullaev: "Neftchi"da murabbiy sabab qolishga qaror qildim"

Farg'onaning "Neftchi" jamoasi ayni paytda Turkiyada o'quv-mashg'ulot jarayonlarini olib bormoqda.

Vitaliy Levchenko o'tgan mavsumdagi tarkibning o'zagini saqlab qolgan. Ayrim poziciyalar esa kerakli futbolchilar bilan kuchaytirilmoqda. 2022 yilda farg'onaliklarning asosiy figuralaridan biriga aylangan Izzatilla Abdullaev bu yil ham "Neftchi"da to'p tepadi. Futbolchi o'tgan mavsum Superligada 20ta uchrashuvda maydonga tushdi va 4ta gol urdi, 3ta golga assistentlik qildi. Uning gollari ikkinchi davrada "Olimpik" va "Nasaf"ga bilan bellashuvlarda muhim 4 ochkoni keltirdi. 


- Mavsum yakunlangach "Nasaf"dan taklif bo'lgani rostmi? 

- Bu - futbol. Unda doim turli mish-mishlar bo'lishi tabiiy hol, deb o'ylayman. Rasmiy xabar chiqmaguncha turli gap-so'zlar uchrab turadi. 

- "Neftchi"da qolishingizni asosiy sababi klub tomonidan taklif qilingan yaxshi sharoitmi yoki murabbiy faktori?

- Vitaliy Grigorevich sabab "Neftchi"da bu mavsum ham to'p tepaman. 

- Yakub Blashikovskiy bilan uchrashgan suratingizni ijtimoiy tarmoqqa joyladingiz. Bu qanday yuz berdi? 

- U bilan uchrashuvimiz tasodifan bo'ldi. Keyin bilsak Blashikovskiy to'p tepayotgan jamoa bilan bir mehmonxonada ekanmiz. Balki yana yulduz futbolchini ko'rsak esdalik uchun suratga tusharmiz.  

- Xorijda yig'in o'tkazadigan jamoalar oshib bormoqda. Deylik bu yil Superligadan 12ta jamoa Antaliyada to'planadi...

- Bu ko'proq yaxshi sharoit va maydon bilan bog'liq. Antaliyada mashg'ulot o'tkazish, kuchli jamoalar bilan o'rtoqlik uchrashuvlari tashkil qilish qulayroq. 

- Jamoalar amalga oshirayotgan transferlarga qarab chempionlik uchun kim favoritligini aytish mumkinmi?

- Menimcha bunday o'ylash noto'g'ri. Hammasini mavsum davomida ko'ramiz. Oldindan biror narsa, deb bo'lmaydi. 

- Superligada o'tgan yilgi intrigada asosiy rol nimada bo'ldi?

- Hamma jamoalar oldiga yuqori maqsadni qo'yishni boshladi. CHempionlik va elitada qolish uchun kurash oxirgi turning so'nggi daqiqalarigacha davom etdi. 

- Joriy yil Superligada yubiley 100 uchrashuvingizni o'tkazishingiz mumkin. Bu uchrashuvda gol urishni maqsad qilganmisiz?

- Aslida har bir o'yinda raqib darvozasiga to'p kiritib jamoamga yordam berishni istayman. Yubiley o'z nomi bilan yubiley. Unda gol urish yoqimli hislarni beradi. 

- Izzatilla Abdullaevni qaysi murabbiy kashf qilgan?

- Katta futbolga kirib kelishimga Davron Fayzievning hissasi katta. U kishiga rahmat aytaman. 

Reyting: +5   

Fikrlar

championat.asia
< so’nggi yangiliklarni ko’rish
Яндекс.Метрика