Yangi kitob savdoga chiqarildi

"PAXTAKOR"-79. "POMNIM, CHTIM, GORDIMSYA".

"PAXTAKOR"-79. UNUTMAYMIZ, E'ZOZLAYMIZ, FAXRLANAMIZ.

Zotan, sobiq Ittifoq parchalanib ketgunga qadar, 35 yil davomida "Paxtakor" Respublikamizning bosh jamoasi sifatida muxlislar diqqat etiborida edi. Ularning quvonchiyu-armonlari, umid va umidsizligi, yurak og'riqlariyu, mag'rurliklari, "Paxtakor" timsolida namoyon bo'lgandi.

Hozir esa voqealar, chempionatlar o'zgacha... Ishqibozlar olami ham o'z oqimini topgan. Turli o'zanlar yuzaga kelgan. Qarshi, Namangan, Farg'ona, Samarqand, Buxoro-yu, Jizzaxning o'z jamoasi, o'z muxlislari bor. Ammo aminmizki, futbolsevarlar qaysi jamoaga ishqibozlik qilishmasin ularning yurak qatlarida "Paxtakor-79"ga o'zgacha mehr saqlanib qolgan.

Bu yil, o'sha mashum voqea sodir bo'lganiga ham 35 yil to'ldi. O'ttiz besh yildirki, 17 bahodir o'g'lonning porloq xotirasi xalqimiz va millionlab ishqibozlarning qalbida mangu saqlanmoqda. 17 bahodir! Ular Vatanga sodiq, o'zbek futbolining faxri,g'ururi, yuragida o'ti bor, har o'yinga yonib maydonga tushgan yigitlar edi. Bazan ularning o'lganiga ishonmaymiz. Go'yoki ular tirikdek. Oramizda yurgandek... Ammo, hayot insonni o'z qonunlariga bo'ysunib yashashga majbur etarkan...

Mana shu mard o'g'lonlar haqida yaqinda ajoyib kitob chop etildi, mazkur xotira kitobi Toshkentdagi kitob do'konlariga savdoga qo'yildi. SHu xotira kitobni albatta xarid qiling.

Manzil: Toshkent, Navoiy ko'chasi, 30-uy. Kitob do'koni.
Telefonlar: (+99871) 244-19-91; 244-19-65).