Yana To'xtaxo'jaev haqida...

Endi u BAA yig'ini doirasidan o'rin olgan o'rtoqlik uchrashuvlarida maydonga tusha olmaydi. Osiyo Kubogiga bora oladi, ammo BAA bilan bo'lib o'tgan o'yinda olgan qizil kartochkasi tufayli, dastlabki uchrashuvni o'tkazib yuboradi.

Himoyachi "Okland Siti"ga qarshi o'yinda ham maydonga tushmagan. Boisi, xatda uning terma jamoa ishtirokidagi dastlabki to'rt o'yinda maydonga tushmasligi qayd etilgan. Diskvalifikaciya, MTJning o'yinlarini OFK tan olganidan so'nggina kamayib boradi. Masalan, "Okland" bilan o'yinni OFK tasdiqlamaydi, agarki, o'yin haqidagi barcha malumotlar tegishli idoralarga yuborilmagan bo'lsa. Boisi OFK qoidalariga ko'ra, terma jamoa ishtirokidagi o'yin, avval OFK tomonidan qayd etilishi kerak. SHundan keyin malum talablar ham mavjud. Unga ko'ra ikki jamoa 6tadan ko'p futbolchini almashtira olmaydi. 6tadan ko'p o'zgartirishni FIFA tan olmaydi va o'yin rasmiyligini yo'qotadi.

Garchand "Okland"ga qarshi o'yin norasmiy bo'lsa-da, To'xtaxo'jaev terma jamoa safida maydonga tusha olmas edi. Bu reglamentga zid. Agar u maydonga tushsa, keyingi choralarni O'FFga nisbatan FIFA qo'llaydi. Ammo uni 4 o'yinga oid diskvalifikaciyasi bittaga kamaymadi. Boisi bu rasmiy o'yin emas.

FIFA qachon o'yinni tan oladi, qachonki bo'lib o'tgan o'yinning qaydonomasi ikki jamoa bosh murabbiyi va hakam tomonidan tasdiqlansa va u diskvalifikaciyaga uchragan futbolchining tashkiloti (Terma jamoalar markazi) tomonidan FIFAga yuborilsa. Agar FIFA o'yinni qayd etsa, shundan keyin diskvalifikaciya soni bittaga kamayadi.

Agar qolgan o'yinlar ham "Okland"ga qarshi o'yin kabi hech qaerda qayd etilmasa, To'xtaxo'jaevning diskvalifikaciyasi kamaymasdan turaveradi. To'rtta o'yinlik diskvalifikaciya to'liq o'tab bo'linmaguncha himoyachi hech bir o'yinda ishtirok eta olmaydi.

Klubga qarshi kechadigan o'yin rasmiy ko'rinish olish yoki olmasligini bilish uchun "Al SHaab" bilan o'yindan avval terma jamoalar markazi OFKga murojaat qilishi kerak. Agar uchrashuv ularning talablariga javob bersa, u holda o'yindan keyin barcha malumotlarni FIFAga yuborish lozim bo'ladi.

Yana bir muammo shundaki, FIFA terma jamoalar o'rtasidagi o'rtoqlik uchrashuvini tasdiqlashi uchun yuqorida aytib o'tilganidek, terma jamoalar 6tadan ko'p o'zgartirishni amalga oshira olmaydilar. Bunga xuddi biz kabi Osiyo Kubogiga tayyorgarlik ko'rayotgan Iroq va Iordaniya ham rozi bo'lishi kerak bo'ladi.