Xvicha "Kvaradona" laqabi haqida: "Bunday solishtirishdan mamnunman"

"Napoli" klubi futbolchisi Xvicha Kvaracxeliya muxlislar uni Diego Maradonaga o'xshatib, "Kvaradona" deb nomlashayotgani haqidagi savolga javob qaytardi.

"Boshida bu narsa juda ajoyib bo'ldi. Sababi mening ismim futbol afsonasining nomi bilan birga tilga olinayotgandi. Bunaqasi umuman hayolimga kelmagandi, ammo bu juda yoqimli bo'ldi. 

Bunga qanday javob qaytarishni ham bilmay qoldim. Rahmat aytish lozimmi yoki yana boshqa ish. Vaqt o'tishi bilan bu laqabga moslashib ham qoldim. Maradona kabi futbolchilar bilan tenglashtirilayotganimdan xursandman. Bu ajoyib", -deydi Xvicha Kvaracxeliya.