Xose Mariya Mendez: "2020 yilgi mundialga yangi loyixamiz bo'lishi lozim"
01 iyu 2016 14:51
Yangiliklar
![](https://championat.asia/upload/storage/213756_original.jpg)
![](/upload/storage/213756_220.jpg)
Xose Mariya Mendez: "2020 yilgi mundialga yangi loyixamiz bo'lishi lozim"
Kuniga ikki mahaldan olib borilayotgan mashg'ulotlarda 18 nafar futzalchi ishtirok etmoqda. Bu haqda terma jamoa bosh murabbiyi Xose Mariya Mendezning fikrlari bilan qiziqdik.
- Ushbu yig'inga nima uchun asosan yosh o'yinchilar chaqirildi?
- Yig'inga chaqirilgan yosh o'yinchilarning barchasi terma jamoaga nomzod. Kolumbiyada bo'lib o'tadigan Jahon chempionatidan so'ng 6-7 nafar o'yinchi yosh nuqtai-nazaridan terma jamoadan ketadi. Ularning o'rnini "yopish" uchun 2020 yilgi mundialga bizning yangi loyixamiz bo'lishi lozim. SHuning uchun ham Sentyabr oyidagi musobaqadan keyin termadan ketadigan futzalchilar o'rniga aynan mana shu yoshlardan nomzodlar tanlab olinadi.
- Yaqindagina o'tkazilgan O'zbekiston chempionati (U-19) bahslarida o'zini ko'rsatgan Akbar Usmonov hamda Said Rizo Mirsharofovlar haqida fikringiz?
- Men bu ikki futzalchini Oliy liga va O'zbekiston kubogidagi o'yinlari evaziga chaqirdim. Ular Oliy ligada o'ynaganliklari uchun ham yoshlar o'rtasidagi musobaqada o'zlarini ko'rsatishgan, buni oddiy qabul qilish kerak. Keyingi yil may oyida 20 yoshgacha bo'lgan futzalchilar o'rtasida birinchi bor Osiyo chempionati o'tkaziladi. Ana shu musobaqada Ramil Almamedov, Said Rizo Mirsharofov, Akbar Usmonov kabi yoshlar bizga kerak bo'ladi.
- Jahon chempionatiga qadar tarkibda o'zgarishlar bo'ladimi?
- Mundialgacha tarkibimizda katta o'zgarishlar bo'lmaydi, 1-2 o'yinchi almashishi mumkin.
O’xshash yangiliklar
![AMP Logo](https://championat.asia/image/logo-amp.png)
Fikrlar