Xorxe Da Silva: "Ertaga tarixni o'zgartirishga urinamiz"

"Ertaga qiziqarli o'yin kutib turibdi. "Bunyodkor"da guruhdan chiqish imkoniyati qolmagan, o'z muxlislari qarshisida bosimsiz o'ynaydi. Bu ularga ustunlik beradi. "Al Nasr" doim g'alaba uchun maydonga tushadi ertangi bahs ham bundan mustasno emas. G'alaba uchun kurashamiz", - deydi Da Silva.

Hussayin SHayyan: "Murabbiyning fikrlariga qo'shilaman. Ertaga g'alaba uchun o'ynaymiz".

- "Al Nasr" Toshkentga asosiy tarkib bilan kelganmi?
- Biz O'zbekistonga asosiy tarkib futbolchilari bilan keldik.

- "Bunyodkor"ga qarshi o'z maydoninglarda durang o'ynagan edinglar. O'sha o'yin haqida nima deya olasiz?
- O'sha uchrashuvda biz bir qator vaziyatlardan foydalana olmagandik. Ertaga vaziyatlardan foydalansak g'alaba qozonamiz.

- "Al Nasr" OCHLda o'z tarixida safardagi o'yinlarda umuman g'alaba qozona olmagan. Bu ertaga jamoaga bosim yuklamaydimi?
- OCHL nufuzli musobaqa, unda kuchli klublar o'ynaydi. Bu milliy chempionat emas. Ertaga tarixni o'zgartirishga urinamiz.

- "Bunyodkor" bu mavsum OCHLda eng yosh jamoalardan biri bo'ldi. Jamoaga guruhdan chiqa olmasligiga nima sabab bo'ldi deya olasiz?
- OCHLda har bir o'yin muhim. "Bunyodkor" o'z maydonida mag'lub bo'lgani uchun ham keyingi bosqichga chiqa olmadi deb o'ylayman.


Narzulla Saydullaev