"Xorazm" "Bunyodkor" bilan o'yinda tarixiy natija qayd etdi

Toshkentda "Bunyodkor"ga qarshi kechgan o'yinda 0:0 hisobidagi durang natija qayd etildi. Bu jamoalarning Superligadagi 15 yillik tanaffusdan keyingi ilk uchrashuvi edi. Ikki klub bu o'yinga qadar chempionat doirasida 4 bor kuch sinashishgan bo'lib, bu o'yinlarda to'liq ustunlik "Bunyodkor" tomonida edi, 4 ta g'alaba. "Qaldirg'ochlar" raqib darvozasiga 12 ta gol urgan va 3 ta o'tkazgandi. Kecha "Xorazm" tarixda ilk bor "Bunyodkor"dan ochko olishga muvaffaq bo'ldi. Poytaxt klubi esa birinchi martta raqibi darvozasiga yo'l topa olmadi.