Xitoy. Anzur Ismoilovdan avtogol, Filiposyan maydonga tushmadi

Hamyurtimiz Artyom Filiposyan to'p tepayotgan "Lyaoning Xongyun" klubi o'z uyida "Tyanczin Teda" bilan o'ynadi. Bahs 0:2 hisobi bilan tugadi.

Filiposyan uchrashuvni zaxiradan o'tirib kuzatdi. "Lyaoning" 7 uchrashuvda 6 ochko to'plab musobaqa jadvalining 14-pog'onasida bormoqda. Klub keyingi o'yinni 26 aprel kuni o'z uyida "Guanchjou"ga qarshi o'tkazadi.

"Lyaoning Xongyun" - "Tyanczin Teda" 0:2
Gollar: Xu Rentian 64, 76.

Anzur Ismoilov faoliyat olib borayotgan "CHanchun Yatai" klubi o'z maydonida "CHangsha Ginde"ni qabul qilib 2:3 hisobida mag'lub bo'ldi. Uchrashuvda Ismoilov to'liq o'ynadi va o'z darvozasiga to'p kiritib qo'ydi. Klub 5 ochko bilan musobaqa jadvalining 15-pog'onasidan o'rin olgan. "CHanchun" 12 aprel kuni safarda "SHanxay Ist Eyshia" mehmoni bo'ladi.

"CHanchun Yatai" - "CHangsha Ginde" 2:3
Gollar: Rafael Koelo 20, Bechiray 34 - Anzur Ismoilov 48 avtogol, Jiang Ning 76, Davi 90+3