Xajime Moriyasu: "Finalda ham o'yin uslubimizni o'zgartirmaymiz"
29 jan 2019 13:06
Yangiliklar
![](https://championat.asia/upload/storage/474578_original.jpg)
![](/upload/storage/474578_220.jpg)
Xajime Moriyasu: "Finalda ham o'yin uslubimizni o'zgartirmaymiz"
Bu jamoa 2011 yil Qatarda o'tkazilgan Osiyo Kubogida g'oliblikni qo'lga kiritgandi. Mana endi yaponlar oradan 8 yil o'tib yana chempion bo'lishga harakat qilib ko'rishadi. Jamoa ustozi Xajime Moriyasu Eronga qarshi bahsdan so'ng finalda ham o'yin uslubini o'zgartirmasligini aytib o'tdi:
"Eron o'tmishda juda yaxshi natijalar qayd etgan. SHu bois ularning jiddiy raqib bo'lishini bilardik. Lekin o'z navbatida biz ham bu o'yinga kuchli tayyorgarlik ko'rdik. SHogirdlarim kuchli raqibga qarshi mardonavor kurash olib borishdi".
"Mening qo'l ostimdagi jamoa Indoneziyada bo'lib o'tgan Osiyo o'yinlarida finalgacha borgandi, Osiyo Kubogida ham shu natija takrorlandi va bundan juda xursandman. Eron bilan kechgan bellashuvda o'zimizni xuddi safarda o'ynayotgandek his qildik. CHunki Eronlik muxlislar stadionda ko'pchilikni tashkil qildi. Lekin bizning ishqibozlarga ham rahmat, ular jamoani oxirigacha qo'llab turishdi".
"Biz avvalgi o'yinlarda qanday harakat qilgan bo'lsak, bu uchrashuvda ham shunday to'p tepdik. Tan olish kerak, raqib darvozasi tomon zarbalar bergan paytda omad biz tomonda bo'ldi. Lekin omad ham o'z-o'zidan kelmaydi, buning uchun qattiq ishlash kerak. SHogirdlarim Eronga qarshi bahsda o'zlarining eng yaxshi jihatlarini namoyon eta olishdi".
"Finalda ham o'yin uslubimizni o'zgartirmaymiz. O'z qarashlarimizga mos bo'lgan futbolni namoyish etamiz".
O’xshash yangiliklar
![AMP Logo](https://championat.asia/image/logo-amp.png)
Fikrlar