Vyacheslav SHevchenko: “Issiqda hatto futbol tomosha qilish ham qiyin”
12 iyu 2016 15:44
Yangiliklar

Vyacheslav SHevchenko: “Issiqda hatto futbol tomosha qilish ham qiyin”

Oliy liga o'n birinchi turidan o'rin olgan “Bunyodkor” - “Qizilqum” jamoalari uchrashuvidan (2:0) so'ng, navoiyliklarning ukrainalik legioneri Vyacheslav SHevchenko o'yin haqidagi fikrlarini bildirdi.

-Toshkentga faqat g'alaba uchun kelgandik, - dedi Vyacheslav SHevchenko. - O'zbekistonda uchinchi mavsum to'p tepyapman. Ammo ilk marotaba bunday yuqori darajadagi issiq harorat ostida o'ynashimga to'g'ri keldi. Adashmasam, havo harorati +35 - +40 daraja edi. Bunaqa issiqda nafaqat futbol o'ynash, balki o'yinni tomosha qilish ham har bir kishidan o'ziga yarasha kuch va sabr talab etadi. SHu bois, o'yin surati u qadar yuqori bo'lmadi. Raqibimiz “Bunyodkor” ham, jamoadoshlarim ham kutilganidek futbol namoyish eta olishmadi.

Uyga kamida bir ochko bilan qaytishimiz ham mumkin edi. Afsuski, oxirgi daqiqalargacha o'yinni bir tekis o'tkaza olmaganimiz qimmatga tushdi. Endi bor etiborimizni navbatdagi bahsga qaratamiz. Toshkentda bizni qo'llab-quvvatlagan ko'p sonli navoiylik muxlislarga rahmat aytamiz.

“Qizilqum” PFK Matbuot xizmati.

Havola :

Manba : championat.asia

Yangiliklarni Telegramda o'qing!

Reyting: +4