Vohid Xolboev: "Penaltini bermasa ham bo'lardi"

Uchrashuvdan keyin "Nurafshon-Inter" jamoasi ustozi Vohid Xolboev o'z fikrlarini bildirib o'tdi.

"Bugun biz yutishimiz kerak edi. Xuddi o'tgan uchrashuv kabi ko'plab vaziyatlarga ega bo'ldik. Biroq undan foydalana olmadik. Yigitlar yaxshi harakat qilishdi. Ammo omadimiz kelmadi. O'yin vaqtida 5-6ta golga tortadigan imkoniyatlarni yo'qqa chiqardik. Raqiblardan ko'ra yaxshiroq o'yin ko'rsatgandik. Yutgan jamoa bizdan kuchli emasdi, agarda kuchli bo'lganida 4-5ta gol kiritgan bo'lardi. Ular shunchaki o'zlari yaratgan vaziyatdan, bizning xatolarimizdan foydalana oldi. Biz esa 4 metrdan ham gol ura olmadik.

Raqiblar darvozaboni o'zini ko'rsatdi. Ushbu mavsum boshlanishidan oldin u bizning jamoamiz yig'inlarida bo'lgandi.

Ha, so'nggi daqiqalarda penaltidan gol o'tkazdik. Penaltini bermasa ham bo'lardi. 50ga 50 vaziyat edi. Hakam esa hushtak chaldi va penalti belgiladi", - dedi Vohid Xolboev.

Mirjalol Normatov yozib oldi