Vohid SHodiev: "Yangi jamoaga tezda kirishib ketdim"

O'zbekiston chempionlari kuniga ikki mahaldan mashg'ulot o'tkazishyapti. Ilk xorij yig'inida hozircha asosiy etibor jismoniy mashqlarga qaratilyapti. Reja bo'yicha, qaldirg'ochlar BAAdagi ilk nazorat o'yinini 22 yanvar kuni "Rostov" klubiga qarshi o'tkazishadi. 25 yanvarda "Dinamo" (Moskva), 30 yanvar kuni esa "Spartak" (Moskva) klublari bilan o'zaro munosabatlariga oydinlik kiritib olishadi. Biz bugungi mashg'ulotlardan so'ng jamoaning yangi azosi, hujumchi Vohid SHodievdan qisqacha intervyu oldik.

- Mashg'ulotlar reja asosida o'tkazilayapti, - deydi Bunyodkor hujumchisi.  Kuniga ikki mahaldan shug'ullanayapmiz. Mashg'ulotlar ikki soat vaqt mobaynida davom etmoqda. Jamoa besh yildan beri aynan shu erda mavsumga tadorik ko'rar ekan. SHaroitlar alo darajada. Bu erda ko'plab ko'zga ko'ringan klublar ham mavsumga tayyorgarlik ko'rishyapti.

- Yangi jamoa, yangi muhitga moslashib ketish jarayoni qiyin kechmayaptimi?
- Hammasi joyida. Aytishim mumkinki, yangi jamoaga tezda kirishib ketdim.

- Yangi futbolchilar hali tarkibga qo'shilishmadimi?
- Yo'q. Lekin bugun-erta kelishi kutilyapti.

- Yangi raqamda qaysi raqamda maydonga tushishingizni aniqlab oldingizmi?
- Ha, 14-raqamni tanladim.

Kamoliddin Alimov suhbatlashdi