Voha derbisi oldidan

Qarshida "Nasaf" mehmoni bo'lamiz va birinchi davra tamomlanadi.  

Ertaga har ikki jamoa yoshlari o'yini "Geolog" stadionida 18:00 da boshlanadi.  Bu o'yinda yoshlarimizga Sirojiddin Rahmatullaev va Tursunmurod Hamdamovlar sariq kartochkalari soni to'rttaga etgani bois yordam bera olmaydi.  Yoshlar bahsini esa Asker Najafaliev boshqarib boradi.  

1 iyul kuni bo'lib o'tadigan asosiy tarkib jamoalari o'yini 20:00 dagi Qarshidagi "Markaziy" stadionda boshlanadi.  Mazkur o'yinni boshqarib boruvchi hakamlar guruhi malum bo'lgan.  O'yinni Ceytlin boshchiligidagi hakamlar guruhi boshqaradi.  Asosiy tarkib jamoalari o'rtasidagi bahsda esa jamoamizga o'rta chiziqda harakat qiluvchi Zafar To'raev va Mikita Bukatkin ogohlantirishlari soni to'rttaga etgani bois yordam bera olmaydi.  Undan tashqari jarohati bois maydonga tusha olmayotgan Zohir Qo'ziboev o'ynay olmaydi.  

Aleksandr Xomyakov oldidan juda muhim bahs turibdi.  Derbi maqomidagi bu o'yin ahmiyati jihatida boshqa uchrashuvlardan farq qiladi.  Doimo murosasiz kechadigan o'yinga futbolchilarimiz ham jangavor ruhda tayyorgarlik ko'rmoqda.  Barcha muxlislarimizni Qarshida jamoamizni qo'llab-quvvatlashga chaqiramiz.  

1 iyul (chorshanba)
Nasaf (Qarshi) – Mashal (Muborak)  20:00
Hakamlar: V. Ceytlin (Toshkent), M. Saidqosimov (Toshkent), R. Serazetdinov (Toshkent), A. Najafaliev (Toshkent)
Nazoratchi: A. Arutyunov (Toshkent).
O'z PFL vakili:  SHerzod Rajabov