"Vodiy futboli": Yangi futbolchilar, Ermatov, Boboxonov va "Nasaf" haqida

"Navbahor": Ertaga yangi futbolchilar tanishtiriladi

Klubimiz rahbariyati va murabbiyshlar shtabi o'zaro kelishgan xolda taqdimot marosimini ertaga (12 avgust kuni) o'tkazishga qaror qilishdi. Yangi futbolchilarni tanishtiruv marosimi ertaga soat 17.00 da "Navbahor" o'yingohida bo'lib o'tadi. Barcha OAV vakillari va jamoamiz muxlislarini tanishtiruv marosimiga taklif etamiz.


"Neftchi": Vodiy derbisi Ravshan Ermatovga topshirildi

18-turning markaziy o'yini "Navbahor" va "Neftchi" o'rtasida bo'lib o'tadi. PFL ushbu bahsga FIFA hakami Ravshan Ermatovni tayinladi. Bu mavsumda Ermatov ikkala jamoaning uchtadan o'yinida ishladi. Etiborlisi birinchi davrada ushbu jamoalarning Qo'qonda kechgan uchrashuvida ham aynan Osiyoning 5 karra eng yaxshi hakami faoliyat olib borgan edi. O'shanda "Neftchi" 1:0 hisobida zafar quchgandi.

"Neftchi" Ermatov boshqargan qolgan ikki bahsda yutqazgan - "Nasaf"ga 0:1 va "SHo'rtan"ga 1:4. "Navbahor" bu mavsumda ushbu hakam boshqargan uchala o'yinda ham yutqazgan - "Andijon"ga 2:3 va "Lokomotiv"ga 1:5.

Vodiy derbisi 15 avgust kuni Namangandagi "Markaziy" stadionda bo'lib o'tadi.


"Andijon": Iqbol Boboxonov keyingi turda o'ynay olmaydi

"Andijon" klubi 18-turni o'z maydonida "Olmaliq"qa qarshi o'tkazadi.

Ushbu bahsda "burgutlar" himoyachisi Iqbol Boboxonov maydonga tusha olmaydi. Sababi o'tgan turda gol urib "Andijon"ga g'alaba keltirgan futbolchining sariq kartchokalari soni to'rttaga etdi.

"Andijon" - "Olmaliq" uchrashuvi 15 avgust kuni "Sog'lom Avlod" stadionida bo'lib o'tadi.


"Qo'qon-1912": "Nasaf"ni o'z maydonimizda 4 marta mag'lub etganmiz

Oliy liganing 18-turida "Qo'qon-1912" klubi o'z uyida "Nasaf"ni qabul qiladi.

Bu jamoalar o'rtasida vodiyda bo'lib o'tgan besh o'yinning to'rttasida “Qo'qon-1912” g'alaba qozongan. “Ajdarlar” safarda bir marta (2000 yil) uch ochkoni qo'lga kiritgan. Oxirgi ikki o'yinda qo'qonliklar raqibni bir xil 3:0 hisoblari bilan taslim qilishgan.