"Vodiy futboli": Vodiy derbisida "Navbahor" g'olib bo'ldi

"Navbahor" - "Andijon": Vodiy derbisida "lochinlar" zafar quchdi

Baxtiyor Ashurmatov boshchiligidagi "Navbahor" klubi o'z maydonida "Andijon"ni mag'lub etdi. Azim Ahmedovning yagona goli "lochinlar"ga 5 o'yinlik g'alabasiz seriyasiga bahram berishga yordam berdi.

"Navbahor" so'nggi bor 18-turda "Neftchi"ni mag'lub etgach ketma-ket 5ta o'yinda yuta olmagandi.

"Andijon"ning esa aksincha g'alabasiz seriyasi uchta o'yinga etdi. O'tgan turlarda "SHo'rtan" bilan durang o'ynagan, "Lokomotiv"ga yutqazgan "burgutlar" vodiy derbisida "Navbahor"ga yutqazdi.

"Neftchi": G'alabali seriya 4ta o'yinga etdi

Farg'onaning "Neftchi" klubi 24-turni o'z uyida "Paxtakor"ga qarshi o'tkazib 3:2 hisobida zafar quchdi.

SHu tariqa, "Neftchi" o'zining g'alabali seriyasini 4ta o'yinga etkazib oldi. Farg'onaliklar "So'g'diyona", "Bunyodkor" va "Dinamo"dan so'ng "Paxtakor"ni taslim qilishdi.


"Qo'qon-1912": G'uzorda "SHo'rtan" bilan durang o'ynadik

Rustam Abdullaev boshchiligidagi "Qo'qon-1912" jamoasi kecha G'uzorda "SHo'rtan" mehmoni bo'lib 2:2 hisobida durang o'ynadi. Igor Golban va Orif Mamajonov tomonidan urilgan gollar qo'qonliklarga safardagi muhim durangni keltirdi.