"Vodiy futboli": Bugun kichik derbi

"Navbahor" va "Neftchi": Bugun kichik derbi

Bugun yoshlar ligasining 18-turining dastlabki o'yinlari bo'lib o'tadi.

Namanganning "Navbahor" klubi bu turni o'z maydonida Farg'onaning "Neftchi" klubiga qarshi o'tkazadi. Ayni paytda yosh "lochinlar" 17 ochko bilan musobaqa jadvalining 13-pog'onasida borishmoqda. "Neftchi" yoshlari hisobida 19 ochko bor, jamoa 11-o'rinda.

Ertaga oliy liga doirasida asosiy tarkib o'rtasida o'yin Namangandagi "Markaziy" stadionda bo'lib o'tadi.


"Andijon": "Olmaliq"qa qarshi har ikkala o'yin ham 17:00da boshlanadi

15 avgust kuni oliy ligada 18-tur uchrashuvlariga start beriladi. Ushbu turda jamoamiz o'z maydonida “Olmaliq” klubini qabul qiladi.

Ikkinchi davra bahslarida “Andijon” jamoasining uy uchrashuvlari “Sog'lom avlod” stadionida soat 18:30 da boshlanayotgandi. Ammo 15 avgust kuni “Olmaliq” jamoasiga qarshi kechadigan o'yin soat 17:00 da boshlanadi. SHu bois 15 avgust kuni barcha futbol muxlislarini “Sog'lom avlod” stadioniga taklif etamiz.

Bugun ushbu jamoalarning o'rinbosarlari o'rtasidagi uchrashuv Oltinko'l tumanidagi markaziy o'yingohda soat 17:00 da boshlanadi.


"Qo'qon-1912": "Nasaf" bilan o'yin 17:00da boshlanadi

16 avgust kuni Qo'qondagi “Markaziy” o'yingohda oliy liganing 18-turidan o'rin olgan “Qo'qon-1912” – “Nasaf” uchrashuv bo'lib o'tishidan xabaringiz bor.

Mazkur o'yin chiptalari stadion kassalarida sotilmoqda. CHiptalar ikki xil toifada bo'lib 5000 va 10000 so'mdan sotilmoqda. Uchrashuv 16 avgust kuni soat 17:00da boshlanadi.