"Vodiy futboli". "Navbahor" o'ynaydi

"Andijon": Edgar Gess: "Bunyodkor" bilan bahsda biz ham galaba uchun astoydil harakat qilamiz"

Oxirgi ikkita uchrashuvni g'alaba bilan yakunlagan "Andijon" jamoasi 13-turda o'z maydonida "Bunyodkor" klubini qabul qiladi. Mazkur o'yinga jamoamizning tayyorgarligi qizg'in davom etmoqda. Jamoa bosh murabbiyi Edgar Gess bu o'yinga katta etibor qaratilganini aytib o'tdi.
"Tayyorgarlikni odatdagidek olib boryapmiz. Tug'ri "Bunyodkor" kuchli jamoa. Lekin hozir har qanday raqib bilan o'ynasa bo'ladi. "So'g'diyona" ham o'z maydonida "Bunyodkor"ni yutgandi. "Bunyodkor" bilan bahsda biz ham galaba uchun astoydil harakat qilamiz", - deydi "Andijon" bosh murabbiyi.

Eslatib utamiz, "Andijon" va "Bundyokor" jamoalari o'rtasidagi bahs 20 iyun kuni bo'lib o'tadi.


"Qo'qon-1912": Bugun yoshlarimiz "Neftchi" bilan o'ynaydi

Bugun yoshlar ligasining 13-turida "Qo'qon-1912" Farg'onaning "Neftchi" klubini qabul qiladi. Uchrashuv soat 17:00da boshlanadi. Bahs Qo'qondagi "Markaziy" stadionda bo'lib o'tadi. Bugunga kelib yoshlar ligasida "Qo'qon-1912" jamoasi 21, "Neftchi" esa 12 ochko to'plagan.


"Navbahor": Bugun "Qizilqum"ga qarshi o'yin

Namanganning "Navbahor" klubi bugun oliy liganing 13-turida Navoiyning "Qizilqum" klubi mehmoni bo'ladi. Bu ikki klubning yo'llari oliy liga o'yinlarida 30 bor kesishgan. Ustunlik “Navbahor” tomonida. 11ta o'yinda namanganliklarning qo'li baland kelgan bo'lsa, 8ta uchrashuvda “Qizilqum” g'olib bo'lgan. 11ta bahsda g'olib aniqlanmagan.

Bu jamoalar o'rtasidagi “Qizilqum” maydonida o'tgan o'yinlarda 5 marta durang qayd etilgan. 6 marta “Qizilqum”, 4 marta “Navbahor” g'alaba qozongan.

"Qizilqum" - "Navbahor" uchrashuvi soat 19:30da Navoiydagi "Yoshlar" stadionida boshlanadi.


"Neftchi": Ertaga vodiy derbisi

Ertaga oliy liganing 13-turida "Qo'qon-1912" va "Neftchi" jamoalari o'rtasidagi vodiy derbisi bo'lib o'tadi. Farg'onaning "Neftchi" klubi ushbu o'yinda jiddiy tayyorgarlik olib bordi. Jamoa safida faqat Javohir Rasulov maydonga tusha olmaydi. Qolgan barcha futbolchilar sog'-salomat. Ertangi uchrashuv 18:00da Qo'qondagi "Markaziy" stadionda bo'lib o'tadi. Barcha farg'onalik muxlislarini o'yinda "Neftchi"ni qo'llab quvvatlashga chaqirib qolamiz.