“Vodiy futboli”. Bugun o'zbek “klassiko”si
16 may 2015 12:00
Yangiliklar
“Vodiy futboli”. Bugun o'zbek “klassiko”si
“Qo'qon-1912”: Hasanboy Ergashev: “Bugun muxlislarimizni faqat g'alaba bilan xursand qilishimiz kerak”
Xabaringiz bor bugun Qo'qonda “Qo'qon-1912” - “SHo'rtan” bahsi bo'lib o'tadi. Qiziqarli kechishi kutilayotgan o'yin oldidan qo'qonliklarning matbuot xizmati jamoa himoyachisi Hasan Ergashev bilan suhbatda bo'ldi.
- O'yinga tayyorgarlik yuqori darajada. Barchamiz faqat g'alaba haqida o'ylayapmiz. Umid qilamanki, bugun omad biz tomonda bo'ladi va kerakli natijani qo'lga kirita olamiz. O'z maydonimizda muxlislarimizni faqat g'alaba bilan xursand qilishimiz shart deb o'ylayman. Buning uchun jamoadagi barcha yigitlar astoydil xarakat qiladi va ishqibozlarimizni o'z uyiga ijobiy kayfiyatda qaytib ketishadi degan umiddaman.
- “SHo'rtan” ham yaxshi jamoa. Tarkibi bu yil ham yaxshi shakllangan. Har qanday xolatda raqibni xurmat qilamiz va yuqorida aytib o'tganimdek o'zimiz uchun kerakli natijani qo'lga kiritish uchun kurashamiz - deydi Hasanboy Ergashev.
“Neftchi”: Bugun o'zbek “klassiko”si
Farg'onaning “Neftchi” klubi bugun Oliy liga 9-turi doirasida Toshkentda “Paxtakor” mehmoni bo'ladi. “Paxtakor” markaziy stadionida 19:00 da boshlanadigan o'yinga barcha o'yinchilar shay. Jamoa kecha CHilonzordagi “Paxtakor” klubiga qarashli suniy maydonda o'yindan oldingi so'nggi mashg'ulotni o'tkazdi. Futbolchilar engil mashqlarni bajarishdi va bugungi bellashuvga hamma tayyor.
O'ziga xos o'zbek “klassiko”sida kimning qo'li baland kelishini bir necha soatlardan so'ng bilib olamiz.
“Andijon”: Derbiga marhamat
Bugun oliy ligada 9-turning qolgan uchrashuvlari bo'lib o'tadi. Mazkur turning yana bir etiborga molik bahsi vodiy derbisi desak, mubolag'a bo'lmaydi.
“Andijon” va “Navbahor” jamoalari o'rtasidagi bellashuv boshlanishiga ham bir necha soat vaqt qoldi. Derbiga jamoamiz jiddiy hozirlik ko'rdi. Ayni paytda futbolchilarning kayfiyati alo darajada. Jamoamiz ustozi Edgar Gess o'yin oldidan qisqacha fikrini bildirib o'tdi.
- “Navbahor”ga qarshi bahsga jiddiy tayyorgarlik ko'rdik. Bu o'yinning ahamiyati katta ekanligini futbolchilar his etib turishibdi. CHunki derbi har qanday vaziyatda ham keskin o'tadi. Bugun shogirdlarim bor imkoniyatlarini ishga solib muxlislarni xursand etishga harakat qilishadi”.
Eslatib kecha, “Andijon” va “Navbahor” yoshlar jamoalari o'rtasidagi uchrashuvda mezbonlar 3:1 hisobida g'alaba qozonishdi.
Bugungi derbini Osiyoning besh karra eng yaxshi hakami Ravshan Ermatov boshqarib boradi.
“Navbahor”: Ashurmatov bugun zaxira o'rindig'ida bo'lmaydi
Xabaringiz bo'lsa kerak, PFL tartib-intizom qo'mitasi “Navbahor” ustozi Baxtiyor Ashurmatovni “Nasaf” bilan o'yindan so'ng ikki uchrashuvga diskvalifikaciya qildi va moddiy jarimaga tortdi.
Demak, bugungi vodiy derbisida “Navbahor” ustozi jamoasining “Andijon”ga qarshi o'tkazadigan bahsini zaxira o'rindig'ida kuzata olmaydi. Albatta bosh murabbiyning zaxira o'rindig'ida bo'lmasligi o'z tasirini o'tkazadi.
Fikrlar