“Vodiy futboli”. 11-turda ikkita vodiy derbisi o'tkaziladi

Bugun oliy ligada 11-tur bahslariga start beriladi. Mazkur turning yana bir markaziy o'yinlaridan biri Andijonda bo'lib o'tadi.

Vodiy derbisida bugun “Andijon” va “Neftchi” jamoalari o'zaro kuch sinashishadi. To'g'ri, ayni paytda farg'onaliklar musobaqa jadvalida yuqori o'rinlarda, andijonliklar pastki pog'onalarda bo'lishiga qaramay, derbi baribir keskin o'tadi. SHu bois bugungi o'yinga qiziqish yuqori. Qolaversa, bugun “Sog'lom avlod” stadioniga farg'onalik minglab muxlislarni ham kelishi kutilmoqda. Ayni damda futbolchilarimizning kayfiyati yaxshi va bugungi bahsga tayyor.

Eslatib o'tamiz, “Andijon” va “Neftchi” jamoalari o'rtasidagi bellashuv soat 17:00da boshlanadi.

"Qo'qon-1912": Bugun yoshlarimiz o'ynaydi

Bugun yoshlar ligasining 11-tur o'yinlari davom ettiriladi. "Qo'qon-1912" yoshlari o'z maydonida "Navbahor" o'rinbosarlarini qabul qiladi. CHempionatda mag'lubiyatga uchramay kelayotgan yoshlarimizdan bugun ham ushbu yoqimli ananani davom ettirishlarini kutib qolamiz. Eslatib o'tamiz o'yin "Markaziy" stadionda soat 16:30da start oladi. Muxlislarni stadionga chorlab qolamiz.

“Neftchi”: O'yindan oldingi mashg'ulot “Istiqlol” stadionida o'tkazildi

Oliy liga 11-turida “Neftchi” jamoasi “Andijon” mehmoni bo'ladi. Vodiy derbisi bugun 17:00 da “Istiqlol” stadionida boshlanadi. Murod Ismoilov shogirdlari o'yindan oldingi mashg'ulotni kecha 10:00 da “Istiqlol” stadionida o'tkazishdi. Jarohati bor Javohir Rasulov va diskvalifikaciya tufayli maydonga tusha olmaydigan SHukurali Po'latovlardan tashqari barcha futbolchilar maydonga tushishga tayyor.

“Navbahor”: Derbiga tayyorgarlik jiddiy

Oliy liga 11-turida yana bir vodiy derbisi bo'lib o'tadi. “Qo'qon-1912” o'z maydonida “Navbahor”ni qabul qiladi. Namanganliklar bu uchrashuvga jiddiy tarzda tayyorgarlik ko'rishmoqda. Asosiy tarkib bugun yoshlar jamoalari o'rtasidagi o'yindan so'ng “Markaziy” stadionda mashg'ulot o'tkazadi.