Vladislav Pavlenko: Yaxshi o'ynadik, ammo gol ura olmadik

Maydon markazida to'p surayotgan legionerning dastlabki uchrashuvlardagi harakatlari ko'pchilik muxlislarga manzur bo'lmoqda. So'g'diyonaga qarshi o'yinda Pavlenko gol urish uchun jamoadoshlariga bir nechta imkoniyat yaratib berdi. SHunday bo'lsada, mezbonlar jizzaxliklar darvozasiga yo'l topa olishmadi. Uchrashuv yakuniga etgach, futbolchining o'yin haqidagi fikrlari bilan qiziqdik:

- Bugun yaxshi o'yin namoyish etdik. Lekin, nima sababdan gol ura olmaganimizni tushunmayapman. Omadimiz chopmadi deb o'ylayman. Guvohi bo'lganingizdek, yomon o'yin ko'rsatganimiz yo'q. Hisobni ochish uchun raqib darvozasi oldidan ko'plab imkoniyatlarga ega bo'ldik. Lekin, vaziyatlarni golga aylantira olmaganligimiz sababli bugungi uchrashuvda qimmatli ochkolarni boy berdik. G'alaba qozona olmaganligimizga balki ishonch etishmagandir. Axir qanday imkoniyatlardan foydalanmadik. Nima sababdan omadimiz yurishmayotganligini tushuna olmayapman. O'yin boshlarida vaziyatlarni golga aylantirganimizda, yirik hisobda ham g'alaba qozonishimiz mumkin edi, - deydi Pavlenko.