Vitaliy Levchenko: "Norchaev "Navbahor" bilan o'yingacha ham qaytmasa kerak"

O'yin haqida

- O'yin derbi maqomiga xos o'tdi. Ko'proq Evropa futbolida shunaqa olovli derbilar bo'ladi. Muxlislarga rahmat, butun uchrashuv davomida bizni juda yaxshi qo'llab-quvvatlashdi. Bugun har ikki jamoa muxlislari haqiqiy futbol bayramini tashkil etib berishdi. 0:2 hisobini 2:2 ko'rinishiga aylantira oldik, yigitlarga xarakter uchun raxmat aytaman.

- Ikkinchi bo'limda tezkor futbol namoyish etishni maqsad qilganmidingiz?

- Birinchi bo'limda oldingi chiziqda Nsungusu Efiong harakat qildi. Ikkinchi bo'limda vaziyatni o'zgartirdik. "Andijon" safida turli nuqtalarda o'ynay oladigan futbolchilarga qarshi uslub ko'rsatishimiz shart edi. Ko'rganingizdek, ikkinchi bo'limda tezkorlikka urg'u qaratdik, chunki hisob ham tezlikni talab etayotgandi.

 - Manuchehr Safarovning o'yinlaridan qoniqish hosil qilayapsizmi?

- Safarov terma jamoada ham katta bosim bilan o'ynaydi. Bundan tashqari Jasur Jaloliddinovda ham shunday vazifa bor. Ularda charchoq alomatlari mavjud.

- Norchaev nega o'yin qaydnomasiga kiritilmadi?

- Unda jarohat bor. Terma jamoadan qaytganidan so'ng ko'rikdan o'tdi va jarohati bor ekanligi malum bo'ldi. Tezroq safimizga qo'shilishiga umid qilayapmiz.

- "Navbahor" bilan o'yingacha safga qaytishi mumkinmi?

- Menimcha yo'q. CHunki Xusaynga tiklanib olishi uchun bir oz vaqt kerak. Futbolchining sog'ligi bilan tavakkal qila olmaymiz.