Viktor Serazetdinov "Buxoro" - "Mashal" o'yinidan olindi

Bugun PFL rasmiy sayti, "Buxoro" - "Mashal" uchrashuviga tayinlangan Viktor Serazetdinov o'rniga, Aziz Asimovni bosh hakam etib tayinlandi.

"Metallurg" - "Bunyodkor" uchrashuvida bosh hakam uchta xatoga yo'l qo'ygan edi. Uchrashuvda noprofessional harakatni amalga oshirgan Karimqulovga sariq kartochka berish bilan cheklangan. "Bunyodkor" gol urgan vaziyatda esa Yurica Bulyat "Metallurg" futbolchisini atayin tirsagi bilan urgan, bosh hakam esa o'yinni to'xtatib ham o'tirmagan natijada bekobodliklar o'z darvozalaridan to'p olib chiqqanlar. Uchrashuvning so'nggi daqiqasida esa "Bunyodkor" foydasiga penalti bermagan.

Kecha PFLda mazkur masala yuzasidan tartib - intizom qo'mitasining yig'ilishi bo'lib o'tgan edi.

Kechagi xabar:
14-tur. 25 iyun (shanba)
Buxoro (Buxoro) – Mashal (Muborak)
Hakamlar: V. Serazetdinov (Toshkent), M. Saidqosimov (Toshkent), R. SHoyaxmetov (Toshkent), A. SHukurullaev (Toshkent)
Nazoratchi: A. Abdullaev (Toshkent).
O'zPFL vakili: A. Frolov.

Bugungi xabar:
Buxoro (Buxoro) – Mashal (Muborak)
Hakamlar: A. Asimov (Toshkent), M. Saidqosimov (Toshkent), R. SHoyaxmetov (Toshkent), A. SHukurullaev (Toshkent)
Nazoratchi: A. Abdullaev (Toshkent).
O'zPFL vakili: A. Frolov.